«Birgemiz» qorynyń qamqorshylyq keńesi Jambyl oblysynyń Jańatas qalasynda órt saldarynan 5 balasynan aıyrylǵan Ábdimálikovter otbasyna 2 mln teńge berý sheshimin qabyldady, dep habarlaıdy «Adyrna» tilshisi QazAqparat-qa silteme jasap.
«Qor atynan qaza tapqan balalardyń ata-anasy men jaqyndaryna qaıǵy-qasiretterine ortaqtasyp kóńil aıtamyz. Bul, balalardyń ata-anasy úshin de, biz úshin de orny tolmas aýyr qaza. Ábdimálikovter otbasynyń qaıǵylaryn bólise otyryp, biz materıaldyq kómek kórsetýge sheshim qabyldadyq», - dedi qor tóraǵasy Rýslan Sakeev.
Esterińizge sala keteıik, «Birgemiz» qory ótken jyldyń naýryz aıynda Tuńǵysh Prezıdent, «Nur Otan» partııasynyń Kóshbasshysy Nursultan Nazarbaevtyń bastamasymen koronavırýspen kúres jaǵdaıynda halyqtyń áleýmettik osal toptaryn qoldaý úshin qurylǵan bolatyn. Osy ýaqyt ishinde qor qarajatynan 655 myńnan astam muqtaj azamat 50 myń teńgeden aldy. Pandemııa bastalǵan kezeńde Nur-Sultan, Almaty jáne Shymkent qalalaryndaǵy áleýmettik álsiz 100 myń otbasyǵa 5 mln maska taratyldy. Sonymen qatar, qor esebinen Túrkistan oblysynyń Maqtaaral aýdanyndaǵy Myrzakent aýylynda 32 úıdiń qurylysy aıaqtaldy.
«Adyrna» ulttyq portaly
