اباي ەسىمى قازاق عىلىمىن، ونىڭ ىشىندە گۋمانيتارلىق سالانى جاڭا قىرىنان دامىتۋعا زور ۇلەس قوسادى. وتاندىق عىلىمدا ىستەلگەن ءىس، الىنعان مەجە - ولشەۋسىز. اعا بۋىن ابايدى تەرەڭ زەرتتەدى. ءار قىرىنان كەلدى. دەسەك تە، ءالى دە زەرتتەلە ءتۇسۋى كەرەك. اباي شىعارمالارىنىڭ اۋدارمالارى كوڭىل الاڭداتارلىق جايدا ەدى. بيىل پرەزيدەنتىمىز قاسىم-جومارت كەمەلۇلىنىڭ ارنايى قولداۋىمەن اباي شىعارمالارى الەمنىڭ ءار تىلىندە ساپالى اۋدارمامەن جارىق كورە باستادى. بۇل - وركەنيەتتىك بەتبۇرىس. اۋدارما شەشىمىن تاپتى. قۋانىشىمىز شەكسىز! ابايدىڭ الەمدىك ماسشتابتا تانىلۋى جولىنداعى ناقتى ادەبي، رۋحاني قادام.
ال ابايتانۋ سالاسىنداعى حالىقارالىق عىلىمي زەرتتەۋلەرىمىز، جاريالانىمدارىمىز شە؟
شەتەلدىك باسىلىمداردا اباي تۋرالى زەرتتەۋلەرىمىز پروتسەنتتىك كورسەتكىشكە شاققاندا از. دەگەنمەن دامىتۋىمىز كەرەك. قالاي؟
شەتەلدىك يمپاكت فاكتورلى جۋرنالداردا اباي تۋرالى ماقالالاردى كوبەيتۋ كەرەك دەپ شارتتى تۇردە جاۋاپ بەرۋگە بولادى. جاريالانىمدار سانىن قالاي ارتتىرامىز؟ قاي قىرىنان كەلگەنىمىز دۇرىس؟..
بىزدە ابايتانۋداعى ءبىر ماسەلە: اباي شىعارمالارى تەوريالىق، جانرلىق قىرىنان جەتەعابىل اشىلماۋى. جانە اباي شىعارمالارى سيۋجەتى تۇرعىسىنان ەۋروپالىق ادەبي شىعارمالار سيۋجەتىمەن سالىستىرىلا از تالدانۋى.Web of science, Jstore, Scopus بازالارىنا ەنگەن اباي تۋرالى ماقالانىڭ ۇزىن سانى -2. جالپى سانى -7. بۇل ءبىزدىڭ شولۋىمىزدا نازارىمىزدى اۋدارعانى.
بۇل اباي ءتىلىن مەڭگەرگەن، شەت ءتىلىن مەڭگەرگەن بۇگىنگى بۋىن ءۇشىن - پارىز.
ال بۇگىنگى بۋىن كەشەگى اعا بۋىننىڭ كلاسسيكالىق زەرتتەۋلەرىنەن باعدار الۋى قاجەت.
ابايتانۋدى الەمدىك زەرتتەۋدە لينۆيستيكالىق، ادەبي تەوريالىق جاعىنان:
كلاسسيكالىق تەكستولوگيالىق;
سالىستىرمالى سيۋجەتتىك;
جانرلىق;
ستيلدىك;
پارا لينگۆيستيكالىق تۇرعىدان كوتەرۋىمىز كەرەك. بۇل جەردە ابايتانۋ تاريحىنا بايلانىستى جازىلعان ەڭبەكتەر وتاندىق زەرتتەۋدىڭ وبەكتىسى بولماق.
بىردە ءبىر اكادەميالىق ورتادا باس قوسۋىمىزدا مەنەن ءبىر اعام: "ارايجان، شىركىن، وسىنداي ءبىر عىلىمي جۋرنالعا جاريالاسام دەپ، قولىڭىز جەتپەي جۇرگەن ءبىر شەتەلدىك باسىلىمىڭىز بار ما؟" دەپ سۇرادى. مەن ويلانىپ قالدىم. ارتىنان ىزدەنە باستادىم.
قازىر جاۋابىن تاپقاندايمىن. ابايدى الەمدىك اكادەميالىق ورتاعا تانىتۋ ءۇشىن Language and Literature دەپ اتالاتىن جۋرنالدىڭ مەتريكالىق كورسەتكىشتەرى ساي بولا الادى ەكەن. ابايدى جوعارى باعالاعانىن قالاساق، جاريالاناتىن باسىلىمنىڭ عىلىمي بەدەلى دە جوعارى بولۋى ءتيىس قوي. اتالعان جۋرنالدىڭ ءبىر سانىنا ونلاين جازىلۋ ءۇشىن قوماقتى جارنا تولەيسىز. ءبىر ماقالاسىن كورۋ ءۇشىن دە قوماقتى جارنا تولەۋىڭىز كەرەك.
بۇل قادامنان دا وتتىك. جاريالانعان ءبىر ماقالانى ساتىپ الىپ، زەردەلەدىك، زەرتتەدىك. وسى ۋاقىتقا دەيىن كەزدەسە قويماعان تەوريالىق تالداۋلارمەن تانىستىم! ەكى اي ۋاقىت! دايىن ماقالانى وقىپ، تالداۋىما ەكى ايداي ۋاقىت كەتتى. جۋرنال SAGE Publishing & Corwin عىلىمي پلاتفورماسىنا تىركەلگەن. ماقالا اۆتورىنا كوپتەگەن جەڭىلدىكتەر قاراستىرىلعان. بۇل اكادەميالىق عىلىمي ورتاعا ءتۇسۋ ءۇشىن قارجى كومەكتەسپەيدى ەكەن. اكادەميالىق زەرتتەۋىڭىز، ءبىلىمىڭىز! اكادەميالىق جازۋ ءستيلىڭىز ساۋاتتى بولۋى ءتيىس.
ابايدى الەمدىك ادەبي ورتا تانۋى كەرەك.
ابايدى الەمدىك اكادەميالىق ورتا تانۋى كەرەك.
ءيا، ابايدى الەم تانىسا، قازاقتى دا الەم تانيدى...
