شەگىرتكەمەن كۇرەسۋگە 2 ملرد تەڭگە ءبولىندى

1573
Adyrna.kz Telegram

قازاقستان مەن رەسەيدىڭ اۋىل شارۋاشىلىعى مينيسترلىكتەرى شەكاراعا جاقىن اۋماقتارىندا زيانكەس شەگىرتكەگە قارسى كۇرەس ماسەلەلەرى بويىنشا كەڭەس وتكىزدى، دەپ حابارلايدى «ادىرنا» ءتىلشىسى.

ەكى ەل مينيسترلىگى ماماندارىنىڭ جىل سايىنعى كەڭەسى بيىل ۆيدەو كونفەرەنتسيا رەجيمىندە ءوتتى. تاراپتار اۋىل شارۋاشىلىعى زيانكەستەرىمەن جانە اۋرۋلارىمەن كۇرەس جونىندە جوسپارلانعان ءىس-شارالار تۋرالى اقپارات الماستى. سونداي-اق، وسى باعىتتاعى ىنتىماقتاستىق ماسەلەلەرىن تالقىلادى.

قر اۋىل شارۋاشىلىعى مينيسترلىگى اگروونەركاسىپ كەشەنى مەملەكەتتىك ينسپەكتسياسى كوميتەتىنىڭ توراعاسى المابەك مارس رەسەيلىك ارىپتەستەرىنە 2020 جىلى قازاقستاندا شەگىرتكەلەردى ۋلاۋ جۇمىستارى 515 مىڭ گەكتارعا جۇرگىزىلگەنىن، ال بيىل زيانكەستەر 640 مىڭ گەكتار جەرگە تارالۋى مۇمكىن دەپ حابارلادى.

شەگىرتكەمەن كۇرەسۋگە رەسپۋبليكالىق بيۋدجەتتەن 2 ملرد تەڭگە ءبولىندى.

بۇل قارجى بارلىق بولجانىپ وتىرعان اۋماقتار ءۇشىن پەستيتسيدتەر مەن حيميالىق وڭدەۋ قىزمەتتەرىن ساتىپ الۋعا جەتكىلىكتى.

قازىرگى ۋاقىتتا اگروونەركاسىپ كەشەنى مەملەكەتتىك ينسپەكتسياسى كوميتەتى زيانكەستەردىڭ تارالۋ وشاقتارىن انىقتاۋ جانە حيميالىق وڭدەۋ جۇرگىزۋ جۇمىستارىن ۋاقتىلى باستاۋ ءۇشىن دايىندىق ءىس-شارالارىن اياقتاۋدا.
ايتا كەتۋ كەرەك، بيىل رەسەي فەدەراتسياسى 590 مىڭ گەكتارعا جۋىق اۋماققا زيانكەس شەگىرتكەدەن قورعانۋ جۇمىستارىن جۇرگىزەدى، دەپ بولجانىپ وتىر.

ونلاين-كەڭەستىڭ قورىتىندىسى بويىنشا 2021 جىلعا ارنالعان رەسەي فەدەراتسياسى مەن قازاقستان رەسپۋبليكاسىنىڭ شەكارا ماڭى اۋماقتارىندا زيانكەس شەگىرتكەنىڭ تارالۋىنا جول بەرمەۋ جونىندەگى بىرلەسكەن ءىس-شارالار جوسپارىنا قول قويىلدى.

«ادىرنا» ۇلتتىق پورتالى

پىكىرلەر