Qazaqstan men Reseıdiń Aýyl sharýashylyǵy mınıstrlikteri shekaraǵa jaqyn aýmaqtarynda zııankes shegirtkege qarsy kúres máseleleri boıynsha keńes ótkizdi, dep habarlaıdy «Adyrna» tilshisi.
Eki el mınıstrligi mamandarynyń jyl saıynǵy keńesi bıyl vıdeo konferenııa rejıminde ótti. Taraptar aýyl sharýashylyǵy zııankesterimen jáne aýrýlarymen kúres jóninde josparlanǵan is-sharalar týraly aqparat almasty. Sondaı-aq, osy baǵyttaǵy yntymaqtastyq máselelerin talqylady.
QR Aýyl sharýashylyǵy mınıstrligi Agroónerkásip kesheni memlekettik ınspekııasy komıtetiniń tóraǵasy Almabek Mars reseılik áriptesterine 2020 jyly Qazaqstanda shegirtkelerdi ýlaý jumystary 515 myń gektarǵa júrgizilgenin, al bıyl zııankester 640 myń gektar jerge taralýy múmkin dep habarlady.
Shegirtkemen kúresýge respýblıkalyq bıýdjetten 2 mlrd teńge bólindi.
Bul qarjy barlyq boljanyp otyrǵan aýmaqtar úshin pestııdter men hımııalyq óńdeý qyzmetterin satyp alýǵa jetkilikti.
Qazirgi ýaqytta Agroónerkásip kesheni memlekettik ınspekııasy komıteti zııankesterdiń taralý oshaqtaryn anyqtaý jáne hımııalyq óńdeý júrgizý jumystaryn ýaqtyly bastaý úshin daıyndyq is-sharalaryn aıaqtaýda.
Aıta ketý kerek, bıyl Reseı Federaııasy 590 myń gektarǵa jýyq aýmaqqa zııankes shegirtkeden qorǵaný jumystaryn júrgizedi, dep boljanyp otyr.
Onlaın-keńestiń qorytyndysy boıynsha 2021 jylǵa arnalǵan Reseı Federaııasy men Qazaqstan Respýblıkasynyń shekara mańy aýmaqtarynda zııankes shegirtkeniń taralýyna jol bermeý jónindegi birlesken is-sharalar josparyna qol qoıyldy.
«Adyrna» ulttyq portaly
