پاۆلوداردا قازاقستان رەسپۋبليكاسىنىڭ كوشى-قون سالاسىنداعى زاڭناماسىن بۇزعان قىتاي حالىق رەسپۋبليكاسىنىڭ ازاماتى ۇستالدى، – دەپ حابارلايدى «ادىرنا» ۇلتتىق پورتالى Polisia.kz-كە سىلتەمە جاساپ.
– “ميگرانت” جەدەل-الدىن الۋ ءىس-شاراسى بارىسىندا پوليتسيا قىزمەتكەرلەرى قىتاي حالىق رەسپۋبليكاسىنىڭ 40 جاستاعى ازاماتىن انىقتادى. اتالعان ەر ادامنىڭ بەلگىلى ءبىر تۇرعىلىقتى جەرى جوق ادام ەكەنى بەلگىلى بولدى. ول قازاقستان رەسپۋبليكاسىنا 2002 جىلى شىعىس قازاقستان وبلىسىنداعى فيرمالاردىڭ بىرىندە جۇمىس ىستەۋ ءۇشىن كەلگەن. 2006 جىلى سەمەي قالاسىنا كوشىپ، وندا قازاقستان ازاماتشاسىنا ۇيلەنگەن، نەكەدە ەكى قىزى بار. ەر ادامنىڭ ايتۋىنشا، ول پاۆلودار وبلىسىنا قاڭتار ايىندا جۇمىسقا كەلگەن، – دەدى پاۆلودار وبلىسى پوليتسيا دەپارتامەنتى كوشى-قون قىزمەتى باسقارماسىنىڭ باستىعى ارمان ۋاليەۆ.
ەر ادامنىڭ ايتۋىنشا، وسى جىلدار بويى ول قازاقستانعا قابىلداۋشى تۇلعالاردىڭ شاقىرۋىمەن، ال سوڭعى رەت جەكە ماقساتپەن كەلگەن. ول قىزدارىنىڭ ءالى كىشكەنتاي بولۋىنا جانە ونىمەن بىرگە قىتايعا بارا الماۋىنا بايلانىستى قازاقستاندا بولۋ ءتارتىبىن بۇزا وتىرىپ، قالا بەرۋگە شەشىم قابىلداعان.
پوليتسيا قىزمەتكەرلەرى شەتەلدىككە قاتىستى قازاقستان رەسپۋبليكاسىنىڭ كوشى-قون سالاسىنداعى زاڭناماسىن بۇزا وتىرىپ،ۆيزادا نەمەسە كوشى-قون كارتوچكاسىندا كورسەتىلگەن مەرزىم وتكەننەن كەيىن ءۇش تاۋلىكتەن اساتىن مەرزىم ىشىندە كەتۋدەن جالتارعانى ءۇشىن قر اقبتك-ءنىڭ 517-بابىنىڭ 4-بولىگى (شەتەلدiكتiڭ نەمەسە ازاماتتىعى جوق ادامنىڭ زاڭنامادا بەلگىلەنگەن مەرزىم وتكەننەن كەيىن ون تاۋلىكتەن اساتىن كەزەڭ ىشىندە كەتۋدەن جالتارۋىنان كورىنگەن، قازاقستان رەسپۋبليكاسىنىڭ حالىقتىڭ كوشى-قونى سالاسىنداعى زاڭناماسىن بۇزۋى) بويىنشا اكىمشىلىك ءىس قوزعالعانىن، ماتەريال شەشىم قابىلداۋ ءۇشىن مامانداندىرىلعان اكىمشىلىك سوتقا جىبەرىلگەنىن اتاپ ءوتتى.
«ادىرنا» ۇلتتىق پورتالى
