Pavlodarda Qazaqstan Respýblıkasynyń kóshi-qon salasyndaǵy zańnamasyn buzǵan Qytaı Halyq Respýblıkasynyń azamaty ustaldy, – dep habarlaıdy «Adyrna» ulttyq portaly Polisia.kz-ke silteme jasap.
– “Mıgrant” jedel-aldyn alý is-sharasy barysynda polıııa qyzmetkerleri Qytaı Halyq Respýblıkasynyń 40 jastaǵy azamatyn anyqtady. Atalǵan er adamnyń belgili bir turǵylyqty jeri joq adam ekeni belgili boldy. Ol Qazaqstan Respýblıkasyna 2002 jyly Shyǵys Qazaqstan oblysyndaǵy fırmalardyń birinde jumys isteý úshin kelgen. 2006 jyly Semeı qalasyna kóship, onda Qazaqstan azamatshasyna úılengen, nekede eki qyzy bar. Er adamnyń aıtýynsha, ol Pavlodar oblysyna qańtar aıynda jumysqa kelgen, – dedi Pavlodar oblysy Polıııa departamenti Kóshi-qon qyzmeti basqarmasynyń bastyǵy Arman Ýálıev.
Er adamnyń aıtýynsha, osy jyldar boıy ol Qazaqstanǵa qabyldaýshy tulǵalardyń shaqyrýymen, al sońǵy ret jeke maqsatpen kelgen. Ol qyzdarynyń áli kishkentaı bolýyna jáne onymen birge Qytaıǵa bara almaýyna baılanysty Qazaqstanda bolý tártibin buza otyryp, qala berýge sheshim qabyldaǵan.
Polıııa qyzmetkerleri sheteldikke qatysty Qazaqstan Respýblıkasynyń kóshi-qon salasyndaǵy zańnamasyn buza otyryp,vızada nemese kóshi-qon kartochkasynda kórsetilgen merzim ótkennen keıin úsh táýlikten asatyn merzim ishinde ketýden jaltarǵany úshin QR ÁQBtK-niń 517-babynyń 4-bóligi (Sheteldiktiń nemese azamattyǵy joq adamnyń zańnamada belgilengen merzim ótkennen keıin on táýlikten asatyn kezeń ishinde ketýden jaltarýynan kóringen, Qazaqstan Respýblıkasynyń halyqtyń kóshi-qony salasyndaǵy zańnamasyn buzýy) boıynsha ákimshilik is qozǵalǵanyn, materıal sheshim qabyldaý úshin mamandandyrylǵan ákimshilik sotqa jiberilgenin atap ótti.
«Adyrna» ulttyq portaly
