قازاقستاندا زەينەتاقى جيناعىنىڭ ءبىر بولىگىن پايدالانۋ مۇمكىندىگىن اۆتوكولىك ساتىپ الۋ ماقساتىنا پايدالانۋعا رۇقسات بەرۋ ۇسىنىلدى. بۇل تۋرالى Astana Motors كومپانياسىنىڭ باسشىسى نۇرلان سماعۇلوۆ ايتتى، دەپ حابارلايدى "ادىرنا" ۇلتتىق پورتالى LS اقپاراتىنا سىلتەمە جاساپ.
سماعۇلوۆتىڭ ايتۋى بويىنشا، قازاقستاندىق اۆتوبيزنەس قاۋىمداستىعى يندۋستريا جانە ينفراقۇرىلىمدىق دامۋ مينيسترلىگىنە وسى ۇسىنىسقا قولداۋ كورسەتۋىن سۇراعان. يدم ءوز كەزەگىندە بۇل ۇسىنىستى قاراستىرۋ ءۇشىن ونى ۇلتتىق ەكونوميكا مينيسترلىگىنە جولداپتى.
"بجزق اقشاسىن باسپاناعا عانا ەمەس، قازاقستاندا جاسالعان اۆتوكولىكتى الۋعا دا جۇمساۋ مۇمكىندىگى بەرىلسىن دەگەن ۇسىنىس جاسادىق. ارينە، حالىققا ەڭ كەرەگى باسپانا، بىراق ەسكى كولىگىنەن ابدەن شارشاعان، نەمەسە قارا جاياۋ جۇرگەندەردىڭ تاعى ءبىر ارمانى جاڭا كولىك.
حالىققا كولىگىن جاڭارتۋعا مۇمكىندىك بەرىلۋى ءتيىس دەپ ويلايمىز. بۇل يدەيانى كولىك شىعارۋشىلار دا اۆتوكومپانيالار دا قولداۋى كەرەك", – دەگەن ەكەن سماعۇلوۆ.
