Qazaqstanda zeınetaqy jınaǵynyń bir bóligin paıdalaný múmkindigin avtokólik satyp alý maqsatyna paıdalanýǵa ruqsat berý usynyldy. Bul týraly Astana Motors kompanııasynyń basshysy Nurlan Smaǵulov aıtty, dep habarlaıdy "Adyrna" ulttyq portaly LS aqparatyna silteme jasap.
Smaǵulovtyń aıtýy boıynsha, Qazaqstandyq avtobıznes qaýymdastyǵy ındýstrııa jáne ınfraqurylymdyq damý mınıstrligine osy usynysqa qoldaý kórsetýin suraǵan. IIDM óz kezeginde bul usynysty qarastyrý úshin ony ulttyq ekonomıka mınıstrligine joldapty.
"BJZQ aqshasyn baspanaǵa ǵana emes, Qazaqstanda jasalǵan avtokólikti alýǵa da jumsaý múmkindigi berilsin degen usynys jasadyq. Árıne, halyqqa eń keregi baspana, biraq eski kóliginen ábden sharshaǵan, nemese qara jaıaý júrgenderdiń taǵy bir armany jańa kólik.
Halyqqa kóligin jańartýǵa múmkindik berilýi tıis dep oılaımyz. Bul ıdeıany kólik shyǵarýshylar da avtokompanııalar da qoldaýy kerek", – degen eken Smaǵulov.
