2021 جىلى قاڭتار ايىندا كوپبالالى انالار 22,5 ملن تەڭگەگە جاردەماقى الدى. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگى حابارلادى.
مينيسترلىكتىڭ مالىمەتىنە سۇيەنسەك، 2021 جىلى قاڭتاردا كوپبالالى وتباسىلارعا بەرىلەتىن مەملەكەتتىك جاردەماقى تولەمدەرىمەن جالپى سوماسى 22,5 ملن تەڭگەگە ورتا ەسەپپەن 430,3 مىڭ وتباسى قامتىلدى. 2020 جىلعى جەلتوقساندا جاردەماقىنىڭ بۇل ءتۇرىن 428,3 مىڭ وتباسى جالپى سوماسى 22 ملن تەڭگەگە الدى.
“بىرگە تۇراتىن 4 جانە ودان دا كوپ كامەلەتكە تولماعان نەمەسە 23 جاسقا دەيىنگى كۇندىزگى بولىمدە وقيتىن ستۋدەنت بالالارى بار وتباسىلار تابىسىنا قاراماستان اتالعان مەملەكەتتىك جاردەماقىعا ۇمىتكەر بولا الادى” دەلىنگەن حابارلامادا.
2021 جىلى تولەم مولشەرى بالالاردىڭ سانىنا بايلانىستى:
46 760 مىڭ تەڭگەدەن (4 بالا);
81 852 مىڭ تەڭگەگە (7 بالا) دەيىن;
8 بالاعا – 93 344 تەڭگە;
9 بالاعا – 105 012 تەڭگە;
10 بالاعا – 116 680 تەڭگە;
11 بالاعا – 128 348 تەڭگە;
12 بالاعا – 140 016 تەڭگە;
13 بالاعا – 151 684 تەڭگە;
14 بالاعا – 163 352 تەڭگە;
15 بالاعا – 175 020 تەڭگە;
16 بالاعا – 186 688 تەڭگە بەرىلەدى.
