ەلدە ورناعان توتەنشە جاعدايلارعا بايلانىستى بەرىلىپ جاتقان 42500 تەڭگەنى كىمنىڭ الاتىنىن تەكسەرۋگە بولاتىن ونلاين سەرۆيس قوسىلدى.
ەندى 42500.enbek.kz سايتىنا ەنىپ، جسن ءنومىرى مەن تولقۇجاتتىڭ ءنومىرىن جازىپ جاردەماقىنى الاسىز با الدە جوق پا – سونى بىلە الاسىز.
مۇنى پرەزيدەنت كەڭەسشىسى باعدات مۋسين حابارلادى. - سوڭعى ۋاقىتتا حالىق اراسىندا «الەۋمەتتىك جاردەماقىعا ءوتىنىش بەردىم، ونىڭ جاۋابىن قالاي بىلەمىن؟» دەگەن ساۋالدار كوبەيدى. ەندى ونى تەكسەرىڭىزدەر! – دەپ جازدى كەڭەسشى Instagram-داعى پاراقشاسىندا.
ونىڭ ايتۋىنشا، 1 ساعاتتىڭ ىشىندە ءبىر قۇرىلعىمەن 3 ءوتىنىشتى تەكسەرۋگە بولادى.
