بەلگىلى اقىن، اۋدارماشى ءشومىشباي ناعىشىبايۇلى ساريەۆ دۇنيەدەن وزدى، دەپ حابارلايدى «ادىرنا» ءتىلشىسى.
ول 1946 جىلدىڭ 15 ساۋىرىندە قىزىلوردا وبلىسى، ارال اۋدانى، ءشومىش ستانسياسىندا تۋعان. قازاقستاننىڭ ەڭبەك سىڭىرگەن قايراتكەرى. فيلولوگيا عىلىمدارىنىڭ كانديداتى. فرانتس كافكا اتىنداعى حالىقارالىق سىيلىقتىڭ جانە «پلاتيندى تارلان» سىيلىعىنىڭ لاۋرەاتى. «پاراسات» وردەنىنىڭ يەگەرى.
العاشقى جىر جيناعى 1974 جىلى «بالداۋرەن» دەگەن اتپەن جارىق كورگەن. سودان بەرگى ارالىقتا قازاق، ورىس تىلدەرىندە ون بەس شاقتى كىتابى شىقتى. 1994 جىلى «جازۋشى» باسپاسىنان تاڭدامالى ولەڭدەر تومدىعى، 1992 جىلى «ءسۇيىنشى» دەگەن اتپەن ءان ولەڭدەرى جەكە جيناق بوپ باسىلعان.
«ادىرنا» ۇلتتىق پورتالى
