جاكەڭ بىردەن ىسكە كىرىستى. قاتەلەسپەپپىن. بايدەن ورىنتاعىنا وتىرا سالا ەكى بىلەگىن تۇرە ىسكە كىرىستى.
دجوزەف بايدەن العاشقى كۇندەردەن - اق شالاعاي ترامپتىڭ شيكى زاڭدارىن كەرى قايتاردى.
پۋتينگە زۆاندادى، قوڭىراۋلاتىپ، ونى ءبىراز سىلكىدى.
ەكەۋىنىڭ اڭگىمەلەسكەن تەمالارى مىناداي: "امەريكاعا جاسالعان كيبەراتاكانىڭ ارتىندا تۇرعان سەندەر عوي"
"اۋعانستانداعى اقش اسكەريلەرىنىڭ باسى ءۇشىن رەسەي سىياقى تاعايىندادى ما؟"..
"ناۆالنىي نەگە ۋلاندى؟"... ت.ب.
مەن ءپۋتيننىڭ ورنىندا بولسام، بۇنداي اڭگىمەدەن سوڭ ءبىراز تەرلەپ - تەپشىپ، ءجۇزىم قابارىپ شىعار ەدى. ول دا سويتكەن شىعار. وزىنە ءوزى كەلىپ كوڭىلىن باسۋى ءۇشىن سەيىلدەپ شىعىپ، يادرولىق زىمىراندارىنىڭ شاڭىن ءسۇرتىپ قويدى ما، كىم ءبىلسىن... جالعىز الدانىشى سول...
سىزدەر قالايسىزدار ما، قالامايسىزدار ما، ول ءوز ەركىڭىز، بىراق اقيقات بىرەۋ.
اقش بۇگىندە حالىقارالىق جاندارم رولىندە وتىر.
اسكەري، ەكونوميكالىق، عىلىمي تاعى باسقا كوپتەگەن سالالاردا ازىرشە وعان تەڭ كەلەر ەل جوق. ونى مويىنداماساڭىز باسقا پلانەتاعا كوشىڭىز.
قازىر ساراپشىلار اراسىندا "قۇدىرەتتى اقش قايتا ورالدى" دەگەن ءسوز شىعىپ جاتىر. ول راس. كۇللى جاھان بويىنشا ول قۇبىلىس سەزىلىپ جاتىر.
ال "امەريكانى ۇلى دەرجاۆا قىلامىن" دەگەن پوپۋليست ترامپتىڭ تۇسىندا وسى اقش تىڭ قاي تەسىككە ءتۇسىپ كەتكەنىن ءبىر قۇداي ءبىلسىن.
ترامپ دەمەكشى... وسىندا، وسى ترامپتان قىتايمەن الىسقان قاھارمان جاساپ وعان تابىنىپ جۇرگەندەر - مەن ءۇشىن: نە اقش تاريحىنان، نە سىرتقى گەوساياسي جاعدايدان حابارى جوق توعىشار توبىر عانا.
سەبەبى، امەريكا تاريحىن بىلەتىن ادام بىلەدى;
ونىڭ قىتايعا قارسى گەوساياسي ارەكەتى سوناۋ وتكەن عاسىردىڭ 50 جىلدارىنان باستالادى. پرەزيدەنت نيكسون وداقتاسى - سينگاپۋرگە كەلگەندە قىتاي تۋرالى سۇرايدى ەكەن. كارتەر كەلسە دە سول اڭگىمە، رەيگان كەلسە دە لي كۋان يۋ مەن سول اڭگىمە. ونى لي كۋان يۋ كىتابىندا جاسىرماي جازادى.
ءىس جۇزىندە لي امەريكاندىقتاردىڭ سول ماڭداعى توقىلداعى بولىپتى.
امەريكاندىقتار سول زاماننان بەرى تىنىق مۇحيتتا قىتايعا قارسى اسكەري قامال تۇرعىزىپ تاستادى.جالپى، امەريكانىڭ قىتايدىڭ كۇنشىعىسىندا ورنالاسقان اسكەري كۇشىمەن ينوپلانەتياندارمەن سوعىسۋعا بولادى.تىنىق مۇحيت جاعالاۋىنداعى ەلدەردىڭ اۋماعىندا اقش تىڭ اسكەري بازاسى جوق ەل جوق دەسە دە بولادى. ول جەردە ءبارى امەريكانىڭ وداقتاسى. اقش تىڭ جاھاندا 50 دەن اسا اسكەري وداقتاسى بار ەكەن.
ەگەر سول وداقتاستاردىڭ بىرىنە قىتايدان اسكەري قاۋىپ تونسە، نەشە مينۋتتە قاي ەل ىسكە كىرىسەدى، نەشە سەكۋنتتە قاي وداقتاس قاي سوعىسقا ارالاسادى، ونىڭ ءبارى بۇل ەلدەردىڭ اراسىنداعى ءوزارا كەلىسىمشارتتاردا جازىلىپ تۇر.ال اقش تىڭ ونداعى اسكەري قۇدىرەتى ءتىپتى سۇمدىق، زاماناۋي اۆيانوسەتستەرىنىڭ ەكى - ۇشەۋى (اقش تا ونىڭ 12 ءسى بار) مۇنداي جاعدايدا ءجۇزىپ كەلىپ قىتايدىڭ كۇنشىعىسىن بومبىلاپ جاپىرىپ وتە الادى ەكەن. قىتايدا ونداي اسكەري كۇش جوق ازىرشە.ءبىر سوزبەن ايتساق، قىتايدىڭ شىعىسى - تۇتاس تەمىر قامال.
ياعني، اقش قىتايعا قارسى ءوز ساياساتىن 70 جىل بۇرىن ەسەپتەپ شىعىپ، ونى باتىل قۇرىپ كەلە جاتىر. ول ەندى امەريكاندىق قايراتكەر پرەزيدەنتتەردىڭ ورتاق ەڭبەگى.
ەندى مىناۋ شيكى ترامپ كەلىپ سوڭعى كەزدە كۇشەيىپ تۇرعان قىتايدى تۇرتپەكتەپ، ءبىر مەزەتتە سانكتسيا سالىپ، سول ساتتە ءوزى ءبىر اياعىمەن بۇلتاقتاپ قىتايدا تۇرعان گونكونگتى جۇلىپ الماقشى بولىپ شاتىلدى. ونىڭ ناتيجەسى كەرى اسەر بەرىپ سۇمدىق بولدى.
وسى جەردە مىسال ءۇشىن مىنانى ايتايىق; باتىستىڭ رەسەيگە سانكتسيا سالعانىنا بيىل 7 جىل بولىپتى. ەندى ءبىر 7 جىلدان سوڭ باتىس رەسەي ايماقتارىنىڭ ازاتتىعى تۋرالى اڭگىمە كوتەرسە بولادى ەكەن.
بۇل سونداي ۇزاق مەرزىمگە ارنالعان ساياسات ەدى نەگىزى... سونى ساۋداگەر ترامپ ءوزىنىڭ 4 جىل مەرزىمىندە ىستەمەكشى بولىپ، كۇشەيىپ تۇرعان قىتايعا سوقتىعىپ گونكونگتان ايىرىلىپ، بىلىقتىردى.
قىسقاسى، ترامپتىڭ قاتەلەرى جەتەدى.
سونى بايدەن دەرەۋ جوندەپ جاتىر.
جالپى، بايدەننىڭ رەسەيگە قارسى ۇستانىمى، الەمدەگى ديكتاتورلار باسقارعان مەشەۋ ەلدەرگە قاتىستى ساياساتى دا قاتاڭ بولادى دەپ جوبالاپ وتىرمىن. ول ەندى ءوز الدىنا ۇزاق اڭگىمە.
بايدەن ءوزى ناعىز امەريكاندىق ادۋىندى پرەزيدەنت بولسا، ءوزى يدەيالىق دەموكرات بولسا، ول باسقا نە ىستەۋشى ەدى. ول ولاردى قۋىرادى.
سوندىقتان الەمدەگى ەلدەرىن مەنشىكتەپ العان ديكتاتورلاردىڭ كوزدەرى قازىر الاق - جۇلاق ەتىپ، ولارعا جوندەپ اس باتپاي جۇرگەنىنە مەن سەنىمدىمىن.
ۇزىن ءسوزدىڭ قىسقاسى، دجوزەف بايدەن كەلدى، وتىردى، ىسكە كىرىستى.
بايقايىق، كورەيىك.
ولجاس ءابىل،
"ادىرنا" ۇلتتىق پورتالى
