مەملەكەتتىك ورگاندارعا، ونىڭ ىشىندە قازاقستان جوعارعى سوتى مەن باس پروكۋراتۋراسىنا ۆەدومستۆولىق باعىنىشتى جەكەلەگەن وبەكتىلەردى (اۋداندىق جانە ولارعا تەڭەستىرىلگەن سوتتار مەن قالالىق پروكۋراتۋرالاردى) كەيىننەن ولاردى قورعاۋ فۋنكتسيالارىن باسەكەلەس ورتاعا بەرە وتىرىپ، مەملەكەتتىك كۇزەتىلۋگە جاتاتىن وبەكتىلەر تىزبەسىنەن الىپ تاستاۋعا بايلانىستى ءىىم شتاتى قىسقارتىلادى دەپ حابارلايدى «ادىرنا» ۇلتتىق پورتالى ءىىم "اشىق نورماتيۆتىك-قۇقىقتىق اكتىلەر" سايتىنا سىلتەمە جاساپ.
ءتيىستى جوبانى ءىىم "اشىق نورماتيۆتىك-قۇقىقتىق اكتىلەر" سايتىندا جاريالادى". قۇجاتتا ءىىم، اتاپ ايتقاندا مامانداندىرىلعان كۇزەت بولىمشەلەرىنىڭ شتات سانىنىڭ ءليميتىن 2021 جىلعى 1 مامىردان باستاپ قىسقارتۋ تۋرالى ايتىلعان.
"قازاقستان رەسپۋبليكاسى ۇكىمەتىنىڭ 2018 جىلعى 27 جەلتوقسانداعى № 897 قاۋلىسىمەن بەكىتىلگەن قازاقستان رەسپۋبليكاسىنىڭ ىشكى ىستەر ورگاندارىن جاڭعىرتۋ جونىندەگى 2019-2021 جىلدارعا ارنالعان جول كارتاسىنىڭ 24 - تارماعىن ىسكە اسىرۋ شەڭبەرىندە 2021 جىلعى 1 مامىردان باستاپ مامانداندىرىلعان كۇزەت بولىمشەلەرىنىڭ شتات سانىنىڭ 2 924 بىرلىگى قىسقارتىلادى", - دەلىنگەن قاۋلى جوباسىندا.
بۇل رەتتە، جوبانى ىسكە اسىرۋ مەملەكەتتىك بيۋدجەتتەن قوسىمشا قارجى شىعىندارىن تالاپ ەتپەيتىنى اتاپ وتىلگەن قۇجاتتا.
قازىر مينيسترلىك شتاتىندا 126 563 ادام بار، قىسقارتۋدان كەيىن 123 639 ادام قالادى. بۇل رەتتە بۇرىن مامانداندىرىلعان كۇزەت بولىمشەلەرىندە 13 083 قىزمەتكەر جۇمىس ىستەگەن بولسا، مامىردان باستاپ ولاردىڭ سانى 10 159-عا جەتەدى.
قاۋلى جوباسى 2021 جىلعى 22 اقپانعا دەيىن جاريا تالقىلاۋ ءۇشىن ورنالاستىرىلعان.
