بيىلدان باستاپ قازاقستاندىقتاردىڭ شەتەلدەگى شوتتارى تەكسەرىلەدى. بۇل تۋرالى قر قارجى ءمينيسترى ەرۇلان جاماۋباەۆ مالىمدەدى، دەپ حابارلايدى «ادىرنا» ءتىلشىسى.
«ەكونوميكالىق ىنتىماقتاستىق جانە دامۋ ۇيىمى، حالىقارالىق قارجى ۇيىمدارىمەن مالىمەتتەردى ەلەكتروندىق الماسۋ اياسىندا كوپجاقتى كونۆەنتسياعا قول قويىلدى. وسى جىلدان باستاپ ءبىزدىڭ ازاماتتارىمىزدىڭ 100-دەن استام يۋريسديكتسيادا قارجىلىق شوتى بويىنشا اقپارات الماسۋ باستالادى»،-دەدى ول ۇكىمەت وتىرىسىندا.
سونداي-اق مينيستر سالىق جانە كەدەندىك اكىمشىلەندىرۋدى جەتىلدىرۋ جولدارىن اتاپ ءوتتى. جاماۋباەۆتىڭ ايتۋىنشا، الداعى ۋاقىتتا ترانسشەكارالىق ساۋدانى باقىلاۋدى كۇشەيتۋ، كەدەندىك ينفراقۇرىلىمدى جاڭعىرتۋ، اقپاراتتىق جۇيەلەردى جەتىلدىرۋ جانە جاڭا پلاتفورماعا كوشۋ، ءىرى سالىق تولەۋشىلەردىڭ كولدەنەڭ مونيتورينگىن قولدانۋ سىندى ماڭىزدى شارالار جۇزەگە اسىرىلادى.
«ادىرنا» ۇلتتىق پورتالى
