قىتايدىڭ از ۇلتتارعا قاتىستى قىسىمى سيپاتتالاتىن «گەنوتسيد» دەپ اتالاتىن فيلم تۇسىرىلمەك. يدەيا اۆتورى تۇراربەك قۇسايىنوۆ ءفيلمنىڭ ماقساتى قىتاي كوممۋنيستىك پارتياسىنىڭ از ۇلتتارعا، ونىڭ ىشىندە قازاق، ۇيعىر، قىرعىز حالقىنا جۇرگىزگەن قانقۇيلى ساياساتىن بۇكىل الەمگە كورسەتۋ دەيدى. ول سول ارقىلى «باتىستى يگەرۋ» دەگەن جەلەۋمەن شىڭجاڭداعى سانى از جەرگىلىكتى ۇلتتارعا جۇرگىزگەن قۋعىن-سۇرگىن ساياساتىنىڭ تۇپكى ماقساتىن اشۋ، ياعني بۇرىنعى شىعىس تۇركىستان رەسپۋبليكاسىن قۇرتىپ قانا قويماي، جەرىن تۇگەل بوساتۋدى كوزدەگەن قىزىل ۇكىمەتتىڭ قانقۇيلى ساياساتىن بۇكىل الەمگە جەتكىزگىسى كەلەدى.
"قىتايدىڭ «ءبىر بەلدەۋ – ءبىر جول» مەملەكەتتىك جوباسىنىڭ تۇپكى نەگىزىن كورسەتكىم كەلەدى. بۇل دا قىتايدىڭ سان مىڭ جىلعا قۇرعان ماڭگىلىك جوسپارى. «ءبىر بەلدەۋ – ءبىر جول» ساياساتى – قىتاي كوممۋنيستىك جۇيەسىنىڭ ورتالىق ازيانى جاۋلاپ، ودان ارى ەۋروپاعا قانات جايۋ دەگەن ويىنان تۋعان جوسپارى" دەيدى ت. قۇسايىنوۆ.
فيلمگە قىتايدىڭ ساياسي لاگەرلەرىندە وتىرعان، جازاسىن وتەپ، تۇتقىندى قيناپ-قىستاۋدىڭ بارلىق ءتۇرىن باسىنان كەشكەن ناقتى كەيىپكەرلەر تارتىلماق. ولاردىڭ اراسىندا اتى قوعامدىق ورتاعا بەلگىلى بولعان ازاماتتار مەن ازاماتشالار دا بار. كەيبىرەۋلەرى قازاقستاندا، قىرعىزستاندا، ت.ب. مەملەكەتتەردە باس ساۋعالاپ ءجۇر. تۇركيا مەن ەۋروپا اسىپ كەتكەندەرى دە بار. فيلم سول ادامداردىڭ بەرگەن سۇحباتى نەگىزىندە ءوربيدى. ءتۇسىرىلىم توبى سۇحبات الۋ ءۇشىن قىرعىزستانعا، تۇركيا مەن ەۆروپاعا بارۋدى جوسپارلاپ وتىر.
سونىمەن بىرگە، فيلمگە كوممۋنيستىك قىتايدىڭ ساياساتىن جاقسى بىلەتىن ساراپشىلار مەن قىتايتانۋشىلار، ساياساتتانۋشىلاردان سۇحبات الىنادى دەپ كۇتىلۋدە.
"قۇرمەتتى وتانداستار!
قازاق، ۇيعىر، تيبەت ت.ب. حالىقتارعا گەنوتسيد پەن ەتنوتسيد جاساۋشى قىتاي كوممۋنيستەرىنىڭ زۇلىم ساياساتىن الەم قاۋىمداستىعىنا مەيلىنشە اشكەرەلەيتىن بۇل دەرەكتى-كوركەم فيلمگە قارجىلاي كومەك بەرىپ، ۇلەس قوسام دەيتىن ازاماتتارعا تەك شەكسىز العىسىمدى بىلدىرەمىن" دەپ تاۋەلسىز ءدىن زەرتتەۋشىسى، «زۇلمات. شىعىس تۇركىستاننىڭ كۇيرەۋى»، «ايداھاردىڭ ايلاسى»، «شىرماۋىق»، «مەن قالاي رۋحاني جاڭعىردىم؟» كىتاپتارىنىڭ اۆتورى تۇراربەك قۇسايىنوۆ ءفيلمدى قارجىلاندىرۋعا قالتالى ازاماتتاردان، ماسەلەگە بەي-جاي قارامايتىن بەلسەندى ازاماتتاردان كومەك سۇرايدى.
رەكۆيزيتتەر:
ين: 380910400605
Kaspi Gold :5169493119844515
نۋرگازيەۆا.ج.
