Qytaıdyń az ulttarǵa qatysty qysymy sıpattalatyn «Genoıd» dep atalatyn fılm túsirilmek. Ideıa avtory Turarbek Qusaıynov fılmniń maqsaty Qytaı kommýnıstik partııasynyń az ulttarǵa, onyń ishinde qazaq, uıǵyr, qyrǵyz halqyna júrgizgen qanquıly saıasatyn búkil álemge kórsetý deıdi. Ol sol arqyly «Batysty ıgerý» degen jeleýmen Shyńjańdaǵy sany az jergilikti ulttarǵa júrgizgen qýǵyn-súrgin saıasatynyń túpki maqsatyn ashý, ıaǵnı burynǵy Shyǵys Túrkistan respýblıkasyn qurtyp qana qoımaı, jerin túgel bosatýdy kózdegen qyzyl úkimettiń qanquıly saıasatyn búkil álemge jetkizgisi keledi.
"Qytaıdyń «Bir beldeý – bir jol» memlekettik jobasynyń túpki negizin kórsetkim keledi. Bul da Qytaıdyń san myń jylǵa qurǵan máńgilik jospary. «Bir beldeý – bir jol» saıasaty – Qytaı kommýnıstik júıesiniń Ortalyq Azııany jaýlap, odan ary Eýropaǵa qanat jaıý degen oıynan týǵan jospary" deıdi T. Qusaıynov.
Fılmge Qytaıdyń saıası lagerlerinde otyrǵan, jazasyn ótep, tutqyndy qınap-qystaýdyń barlyq túrin basynan keshken naqty keıipkerler tartylmaq. Olardyń arasynda aty qoǵamdyq ortaǵa belgili bolǵan azamattar men azamatshalar da bar. Keıbireýleri Qazaqstanda, Qyrǵyzstanda, t.b. memleketterde bas saýǵalap júr. Túrkııa men Eýropa asyp ketkenderi de bar. Fılm sol adamdardyń bergen suhbaty negizinde órbıdi. Túsirilim toby suhbat alý úshin Qyrǵyzstanǵa, Túrkııa men Evropaǵa barýdy josparlap otyr.
Sonymen birge, fılmge kommýnıstik Qytaıdyń saıasatyn jaqsy biletin sarapshylar men qytaıtanýshylar, saıasattanýshylardan suhbat alynady dep kútilýde.
"Qurmetti Otandastar!
Qazaq, uıǵyr, tıbet t.b. halyqtarǵa genoıd pen etnoıd jasaýshy Qytaı kommýnısteriniń zulym saıasatyn álem qaýymdastyǵyna meılinshe áshkereleıtin bul derekti-kórkem fılmge qarjylaı kómek berip, úles qosam deıtin azamattarǵa tek sheksiz alǵysymdy bildiremin" dep táýelsiz din zertteýshisi, «Zulmat. Shyǵys Túrkistannyń kúıreýi», «Aıdahardyń aılasy», «Shyrmaýyq», «Men qalaı rýhanı jańǵyrdym?» kitaptarynyń avtory Turarbek Qusaıynov fılmdi qarjylandyrýǵa qaltaly azamattardan, máselege beı-jaı qaramaıtyn belsendi azamattardan kómek suraıdy.
Rekvızıtter:
IIN: 380910400605
Kaspi Gold :5169493119844515
Nýrgazıeva.J.
