ەلىمىزدە نەكە جۇزىكتەرىنىڭ باعاسى ءبىر جىلدا 45%-عا قىمباتتاعان. بۇل تۋرالى Bizmedia.kz جازدى، دەپ حابارلايدى «ادىرنا» ءتىلشىسى.
«ناۋرىز ايىنىڭ قورىتىندىسى بويىنشا ايلىق كورسەتكىشتە التىن نەكە جۇزىكتەرىنىڭ باعاسى 5,5%-عا ءوستى، ال ءبىر جىلداعى ءوسىم 45%-دى قۇرادى»، – دەلىنگەن حابارلامادا.
ستاتيستەردىڭ مالىمەتىنشە، ەڭ از ءوسىم ماڭعىستاۋ وبلىسىندا تىركەلگەن. ول 14,5 پايىزدى قۇرايدى. شىمكەنتتە باعا 29%-عا، استانادا 29,9%-عا ۇلعايعان. ال ەڭ جوعارى ءوسىم ۇلىتاۋ وبلىسىندا (71%) بايقالعان.
ايتا كەتەيىك، 2025 جىلى زەرگەرلىك بۇيىمدار ءوندىرىسى 2024 جىلمەن سالىستىرعاندا 7,7%-عا ارتىپ، 2,7 ملرد تەڭگەنى قۇراعان ەدى.
ۇقساس جاڭالىقتار
