ەلوردادا «اۋىل» حالىقتىق-دەموكراتيالىق پاتريوتتىق پارتياسى 2020 جىلعى «ەڭبەك ادامى – ەل تىرەگى» الەۋمەتتىك باستاماسىنىڭ قورىتىندىسىن شىعارۋ بويىنشا سالتاناتتى ءىس-شارا وتكىزدى. ءىس-شارا بارىسىندا اۋىل شارۋاشىلىعى، ءبىلىم بەرۋ، دەنساۋلىق ساقتاۋ، ونەركاسىپ، مادەنيەت، سپورت جانە باسقا دا سالالاردى دامىتۋعا ەلەۋلى ۇلەس قوسقان پارتيا مۇشەلەرى مەملەكەتتىك جانە ۆەدومستۆولىق ناگرادالارمەن ماراپاتتالدى.
«اۋىل» پارتياسىنىڭ توراعاسى ءا.ءا. بەكتاەۆ پارتيا مۇشەلەرىن العان ناگرادالارىمەن قۇتتىقتاي وتىرىپ، پارتيانىڭ XVI سەزىندە ەڭبەك ادامىنىڭ مارتەبەسىن ارتتىرۋ، قوعامدا جۇمىسشى ماماندىقتارىنا وڭ كوزقاراس قالىپتاستىرۋ جانە اۋىل ەڭبەككەرلەرىنىڭ بەدەلىن كوتەرۋ ماقساتىندا «ەڭبەك ادامى – ەل تىرەگى» اتتى ساياسي باستاما بەكىتىلگەنىن اتاپ ءوتتى. «ءبىز ەڭبەك ادامى ەلىمىزدەگى ەڭ قۇرمەتتى جانە تانىمال جان بولۋى كەرەك دەپ سانايمىز. ەڭبەكقور ادامدى جوعارى جالاقى، سىياقى جانە بارلىق جەڭىلدىكتەر ارقىلى كوتەرمەلەۋ كەرەك. ءبىز «اۋىل» پارتياسى رەتىندە ەڭبەك ەتۋشى ادامنىڭ بەدەلى مەن تانىمالدىعىن ارتتىرۋ جونىندەگى بارلىق شارالاردىڭ باستاماشىسى بولۋعا ءتيىسپىز. «ەڭبەك ادامى - ەل تىرەگى» ينيتسياتيۆاسى اياسىندا پارتيا فيليالدارى ءتۇرلى ماراپاتتارعا يە بولعان پارتيا مۇشەلەرىمەن كوپتەگەن كەزدەسۋلەر مەن شەبەرلىك سىنىپتارىن وتكىزدى. وتكەن جىلى كارانتيندىك شارالاردىڭ كۇردەلىلىگىنە قاراماستان، ءبىز ەڭبەك ادامدارى تۋرالى 6 بەينەروليك تۇسىردىك جانە ولاردى الەۋمەتتىك جەلىلەر ارقىلى تاراتتىق. پارتيانىڭ وسىنداي يگى باستامالارى كاسىپتى ەندى عانا يگەرە باستاعان جاستار ءۇشىن پاتريوتتىق تاربيە بەرەدى دەپ ۇمىتتەنەمىز».
ايتا كەتەيىك، «ەڭبەك ادامى – ەل تىرەگى» باستاماسى اياسىندا سوڭعى ءتورت جىلدا «اۋىل» پارتياسىنىڭ 700-گە جۋىق مۇشەسى مەملەكەتتىك جانە ۆەدومستۆولىق ناگرادالارمەن ماراپاتتالدى. 2020 جىلى پارتيانىڭ بەس مۇشەسى «قۇرمەت»، «ەرەن ەڭبەگى ءۇشىن»، «شاپاعات» مەملەكەتتىك ناگرادالارىنىڭ يەسى اتاندى جانە 117 پارتيا مۇشەسى مينيسترلىكتەردىڭ ۆەدومستۆولىق ناگرادالارىمەن ماراپاتتالدى.
بۇگىنگى تاڭدا پارتيانىڭ بارلىق فيليالدارىندا «ەڭبەك ادامى – ەل تىرەگى» الەۋمەتتىك باستاماسىنىڭ جىلدىق قورىتىندىلارى شىعارىلىپ، ماراپاتتاۋ راسىمدەرى وتكىزىلۋدە.
ءوز كەزەگىندە، ماراپاتتالعاندار پارتيا توراعاسى مەن ساياسي كەڭەسىنە ۇلكەن العىستارىن ءبىلدىرىپ، ەل يگىلىگى ءۇشىن تابىستى جۇمىس ىستەۋگە دايىن ەكەندىكتەرىن جەتكىزۋدە.
«اۋىل» حالىقتىق-دەموكراتيالىق
پاتريوتتىق پارتياسىنىڭ
ءباسپاسوز قىزمەتى
8 701 055 25 52
auyl-pressa@mail.ru
