Elordada «Auyl» Halyqtyq-demokratiialyq patriottyq partiiasy 2020 jylǧy «Eŋbek adamy – el tıregı» äleumettık bastamasynyŋ qorytyndysyn şyǧaru boiynşa saltanatty ıs-şara ötkızdı. Is-şara barysynda auyl şaruaşylyǧy, bılım beru, densaulyq saqtau, önerkäsıp, mädeniet, sport jäne basqa da salalardy damytuǧa eleulı üles qosqan partiia müşelerı memlekettık jäne vedomstvolyq nagradalarmen marapattaldy.
«Auyl» partiiasynyŋ töraǧasy Ä.Ä. Bektaev partiia müşelerın alǧan nagradalarymen qūttyqtai otyryp, partiianyŋ XVI sezınde eŋbek adamynyŋ märtebesın arttyru, qoǧamda jūmysşy mamandyqtaryna oŋ közqaras qalyptastyru jäne auyl eŋbekkerlerınıŋ bedelın köteru maqsatynda «Eŋbek adamy – el tıregı» atty saiasi bastama bekıtılgenın atap öttı. «Bız eŋbek adamy elımızdegı eŋ qūrmettı jäne tanymal jan boluy kerek dep sanaimyz. Eŋbekqor adamdy joǧary jalaqy, syiaqy jäne barlyq jeŋıldıkter arqyly kötermeleu kerek. Bız «Auyl» partiiasy retınde eŋbek etuşı adamnyŋ bedelı men tanymaldyǧyn arttyru jönındegı barlyq şaralardyŋ bastamaşysy boluǧa tiıspız. «Eŋbek adamy - el tıregı» inisiativasy aiasynda partiia filialdary türlı marapattarǧa ie bolǧan partiia müşelerımen köptegen kezdesuler men şeberlık synyptaryn ötkızdı. Ötken jyly karantindık şaralardyŋ kürdelılıgıne qaramastan, bız eŋbek adamdary turaly 6 beinerolik tüsırdık jäne olardy äleumettık jelıler arqyly tarattyq. Partiianyŋ osyndai igı bastamalary käsıptı endı ǧana igere bastaǧan jastar üşın patriottyq tärbie beredı dep ümıttenemız».
Aita keteiık, «Eŋbek adamy – el tıregı» bastamasy aiasynda soŋǧy tört jylda «Auyl» partiiasynyŋ 700-ge juyq müşesı memlekettık jäne vedomstvolyq nagradalarmen marapattaldy. 2020 jyly partiianyŋ bes müşesı «Qūrmet», «Eren eŋbegı üşın», «Şapaǧat» memlekettık nagradalarynyŋ iesı atandy jäne 117 partiia müşesı ministrlıkterdıŋ vedomstvolyq nagradalarymen marapattaldy.
Bügıngı taŋda partiianyŋ barlyq filialdarynda «Eŋbek adamy – el tıregı» äleumettık bastamasynyŋ jyldyq qorytyndylary şyǧarylyp, marapattau räsımderı ötkızılude.
Öz kezegınde, marapattalǧandar partiia töraǧasy men Saiasi Keŋesıne ülken alǧystaryn bıldırıp, el igılıgı üşın tabysty jūmys ısteuge daiyn ekendıkterın jetkızude.
«Auyl» Halyqtyq-demokratiialyq
patriottyq partiiasynyŋ
baspasöz qyzmetı
8 701 055 25 52
auyl-pressa@mail.ru
