Elordada «Aýyl» Halyqtyq-demokratııalyq patrıottyq partııasy 2020 jylǵy «Eńbek adamy – el tiregi» áleýmettik bastamasynyń qorytyndysyn shyǵarý boıynsha saltanatty is-shara ótkizdi. Is-shara barysynda aýyl sharýashylyǵy, bilim berý, densaýlyq saqtaý, ónerkásip, mádenıet, sport jáne basqa da salalardy damytýǵa eleýli úles qosqan partııa músheleri memlekettik jáne vedomstvolyq nagradalarmen marapattaldy.
«Aýyl» partııasynyń tóraǵasy Á.Á. Bektaev partııa múshelerin alǵan nagradalarymen quttyqtaı otyryp, partııanyń XVI sezinde eńbek adamynyń mártebesin arttyrý, qoǵamda jumysshy mamandyqtaryna oń kózqaras qalyptastyrý jáne aýyl eńbekkerleriniń bedelin kóterý maqsatynda «Eńbek adamy – el tiregi» atty saıası bastama bekitilgenin atap ótti. «Biz eńbek adamy elimizdegi eń qurmetti jáne tanymal jan bolýy kerek dep sanaımyz. Eńbekqor adamdy joǵary jalaqy, syıaqy jáne barlyq jeńildikter arqyly kótermeleý kerek. Biz «Aýyl» partııasy retinde eńbek etýshi adamnyń bedeli men tanymaldyǵyn arttyrý jónindegi barlyq sharalardyń bastamashysy bolýǵa tıispiz. «Eńbek adamy - el tiregi» ınııatıvasy aıasynda partııa fılıaldary túrli marapattarǵa ıe bolǵan partııa múshelerimen kóptegen kezdesýler men sheberlik synyptaryn ótkizdi. Ótken jyly karantındik sharalardyń kúrdeliligine qaramastan, biz eńbek adamdary týraly 6 beınerolık túsirdik jáne olardy áleýmettik jeliler arqyly tarattyq. Partııanyń osyndaı ıgi bastamalary kásipti endi ǵana ıgere bastaǵan jastar úshin patrıottyq tárbıe beredi dep úmittenemiz».
Aıta keteıik, «Eńbek adamy – el tiregi» bastamasy aıasynda sońǵy tórt jylda «Aýyl» partııasynyń 700-ge jýyq múshesi memlekettik jáne vedomstvolyq nagradalarmen marapattaldy. 2020 jyly partııanyń bes múshesi «Qurmet», «Eren eńbegi úshin», «Shapaǵat» memlekettik nagradalarynyń ıesi atandy jáne 117 partııa múshesi mınıstrlikterdiń vedomstvolyq nagradalarymen marapattaldy.
Búgingi tańda partııanyń barlyq fılıaldarynda «Eńbek adamy – el tiregi» áleýmettik bastamasynyń jyldyq qorytyndylary shyǵarylyp, marapattaý rásimderi ótkizilýde.
Óz kezeginde, marapattalǵandar partııa tóraǵasy men Saıası Keńesine úlken alǵystaryn bildirip, el ıgiligi úshin tabysty jumys isteýge daıyn ekendikterin jetkizýde.
«Aýyl» Halyqtyq-demokratııalyq
patrıottyq partııasynyń
baspasóz qyzmeti
8 701 055 25 52
auyl-pressa@mail.ru
