ساردانا اۆكسەنتەۆا — ەكى جارىم جىل بۇرىن ياكۋتسك قالاسىنىڭ مەرى بولىپ سايلانعان. ول — گۋبەرناتور قولداعان "ەدينايا روسسيا" پارتياسىنىڭ مۇشەسىن سايلاۋدان جەڭىپ شىقتى. ءوزى ەشقانداي پارتيادا جوق ادام.
ورنىنا وتىرا سالىپ اكىمشىلىكتەگى قىزمەتتىك قىمبات كولىكتەردى ساتىپ، اقشاسىن قالانىڭ قازىناسىنا قۇيدى. اكىمشىلىك قىزمەتكەرلەرىن تاكسيگە وتىرعىزدى.
ساحا حالقىنىڭ كوپتومدىق سوزدىگىن شىعاردى. ول ساحا رۋحانياتى ءۇشىن بۇرىن-سوڭدى بولماعان جاڭالىق بولدى. قازاق، تۇرىك، ازەربايجان عالىمدارى وعان قولداۋ ءبىلدىردى.
ەل الدىندا ۇنەمى ساحا تىلىندە سويلەدى.
ساپاسىز جۇمىستار جاساعان كومپانيالارمەن كەلىسىمشارتتى بۇزدى، شىعىندى قايتارتتى.
كابينەتىنە — ناۋرىز مەيرامىن تويلاپ جاتقان ساحا حالقىنىڭ سۋرەتىن ىلگىزدى. ءبىر ءجۋرناليستىڭ: — ءسىزدىڭ كابينەتىڭىزدە نەگە ءپۋتيننىڭ سۋرەتى جوق، ونىڭ ورنىنا مىنا حالىقتىڭ سۋرەتى ءىلىنىپ تۇر؟— دەگەن سۇراعىنا; — ماعان جۇمىستى كىم بەرىپ وتىرعانىن ۇنەمى ەسىمدە ۇستاۋ ءۇشىن،— دەپ جاۋاپ بەردى.
كونستيتۋتسياعا تۇزەتۋلەر ەنگىزۋگە جالعىز قارسى شىققان ادام بولدى.
800 دەي كوپ قاباتتى ءۇيدى قايتا جوندەۋگە كىرگىزدى.
4000 وتباسىنى جاڭا باسپانامەن قۋانتتى.
ءوزىن قوناق قىلۋ ءۇشىن 1 ملن رۋبلگە داستارحان جايعان شەنەۋنىكتى جۇمىستان بوساتتى.
حالىقتان تۇسكەن ارىز-شاعىمداردى ءبىرىن قالدىرماي وقىپ، ينستاگرام پاراقشاسىنا سالىپ وتىردى. وسىعان وراي باسقا قىزمەتكەرلەر دە جۇمىس جاسايتىن بولدى.
باق- نا كەتەتىن شىعىندى 65 ملن نان 32 ملن عا ازايتتى.
اكىمشىلىك قىزمەتكەرلەرىن ەكى ەسەگە قىسقارتتى.
ءبىر جىل بۇرىن قىرعىز ازاماتى جەرگىلىكتى جەردە ءبىر قىزدى زورلاپ، ون مىڭعا تارتا ادام ميگرانتتارعا قارسى ميتينگكە شىعادى. اشۋلى توپتىڭ الدىنا شىعىپ: ءبىر قىلمىس ءۇشىن ءبىر ادام كىنالى مە، جوق، تۇتاس ۇلت كىنالى بولا ما. ياكۋتيادا وسىعان دەيىن 292 ايەلگە زورلىق كورسەتىلىپتى، سونىڭ ۇشەۋىن عانا شەت ەل ازاماتى جاساعان. بۇل ۇشەۋى قاتاڭ جازاسىن الدى. ال، ءوزىمىزدى قايتەمىز، ءوزىمىزدىڭ تاربيەمىزدى نە ىستەيمىز، ءوزىمىز اياماساق، ءوزىمىزدىڭ اپكە—قارىنداستارىمىزعا قامقور بولماساق، بىزگە كىمنىڭ جانى اشيدى؟ — دەپ اشۋعا بۋلىققان توپتىڭ ارىنىن باسىپ، ءبىر جاعىنان ميگرانتتاردى دا قورعاپ قالدى.
بوس ۋاقىتىندا حالىقتىڭ تۇرمىسىن تەكسەرىپ، قالا ارالادى.
قالادا ون جىلدان بەرى قوردالانىپ، الدىڭعى باسشىلارى شەشە الماعان ماسەلەلەردى ەكى جارىم جىلدا شەشتى.
قالا حالقى الاڭعا ارنايى شاقىرىپ، وزدەرىنىڭ ريزاشىلىقتارىن ءبىلدىرىپ "حالىق العىسى" دەگەن العىس حاتپەن ماراپاتتادى.
ول تۋرالى اقش تىڭ الەمگە تانىمال گازەتى "The New York Times ي The Economist" ماقتاپ ماقالا جازدى.
ەكى اپتا بۇرىن بۇكىل ساحا حالقى قۇرمەتتەگەن "تازا ادامداردىڭ باسشىسى" دەپ اتاپ كەتكەن — ساردانا اۆكسەنتەۆا ءوز ەركىمەن ورنىنان كەتتى.
"اكىمشىلىك عيماراتىن مۇقتاج وتباسىلارعا بەرىپ، ءوزىمىز قاراپايىم عيماراتقا كوشەمىز" دەگەن ماقساتىنا عانا جەتە المادى.
الەمنىڭ ءبىر شەتىندە جۇرسە دە، جاقسى ادامداردىڭ بارى جانىڭدى جىلىتادى. امان بولسىن!
ايبەك ەرەجەپتىڭ جازباسىنان.
