Sardana Avksenteva — eki jarym jyl buryn Iakýtsk qalasynyń meri bolyp saılanǵan. Ol — Gýbernator qoldaǵan "Edınaıa Rossııa" partııasynyń múshesin saılaýdan jeńip shyqty. Ózi eshqandaı partııada joq adam.
Ornyna otyra salyp ákimshiliktegi qyzmettik qymbat kólikterdi satyp, aqshasyn qalanyń qazynasyna quıdy. Ákimshilik qyzmetkerlerin taksıge otyrǵyzdy.
Saha halqynyń kóptomdyq sózdigin shyǵardy. Ol Saha rýhanııaty úshin buryn-sońdy bolmaǵan jańalyq boldy. Qazaq, Túrik, Ázerbaıjan ǵalymdary oǵan qoldaý bildirdi.
El aldynda únemi Saha tilinde sóıledi.
Sapasyz jumystar jasaǵan kompanııalarmen kelisimshartty buzdy, shyǵyndy qaıtartty.
Kábınetine — Naýryz meıramyn toılap jatqan Saha halqynyń sýretin ilgizdi. Bir jýrnalıstiń: — Sizdiń kábınetińizde nege Pýtınniń sýreti joq, onyń ornyna myna halyqtyń sýreti ilinip tur?— degen suraǵyna; — Maǵan jumysty kim berip otyrǵanyn únemi esimde ustaý úshin,— dep jaýap berdi.
Konstıtýııaǵa túzetýler engizýge jalǵyz qarsy shyqqan adam boldy.
800 deı kóp qabatty úıdi qaıta jóndeýge kirgizdi.
4000 otbasyny jańa baspanamen qýantty.
Ózin qonaq qylý úshin 1 mln rýblge dastarhan jaıǵan sheneýnikti jumystan bosatty.
Halyqtan túsken aryz-shaǵymdardy birin qaldyrmaı oqyp, ınstagram paraqshasyna salyp otyrdy. Osyǵan oraı basqa qyzmetkerler de jumys jasaıtyn boldy.
BAQ- na ketetin shyǵyndy 65 mln nan 32 mln ǵa azaıtty.
Ákimshilik qyzmetkerlerin eki esege qysqartty.
Bir jyl buryn Qyrǵyz azamaty jergilikti jerde bir qyzdy zorlap, on myńǵa tarta adam mıgranttarǵa qarsy mıtıngke shyǵady. Ashýly toptyń aldyna shyǵyp: bir qylmys úshin bir adam kináli me, joq, tutas ult kináli bola ma. Iakýtııada osyǵan deıin 292 áıelge zorlyq kórsetilipti, sonyń úsheýin ǵana shet el azamaty jasaǵan. Bul úsheýi qatań jazasyn aldy. Al, ózimizdi qaıtemiz, ózimizdiń tárbıemizdi ne isteımiz, ózimiz aıamasaq, ózimizdiń ápke—qaryndastarymyzǵa qamqor bolmasaq, bizge kimniń jany ashıdy? — dep ashýǵa býlyqqan toptyń arynyn basyp, bir jaǵynan mıgranttardy da qorǵap qaldy.
Bos ýaqytynda halyqtyń turmysyn tekserip, qala aralady.
Qalada on jyldan beri qordalanyp, aldyńǵy basshylary sheshe almaǵan máselelerdi eki jarym jylda sheshti.
Qala halqy alańǵa arnaıy shaqyryp, ózderiniń rızashylyqtaryn bildirip "Halyq Alǵysy" degen alǵys hatpen marapattady.
Ol týraly AQSh tyń álemge tanymal gazeti "The New York Times ı The Economist" maqtap maqala jazdy.
Eki apta buryn búkil Saha halqy qurmettegen "Taza adamdardyń basshysy" dep atap ketken — Sardana Avksenteva óz erkimen ornynan ketti.
"Ákimshilik ǵımaratyn muqtaj otbasylarǵa berip, ózimiz qarapaıym ǵımaratqa kóshemiz" degen maqsatyna ǵana jete almady.
Álemniń bir shetinde júrse de, jaqsy adamdardyń bary janyńdy jylytady. Aman bolsyn!
Aıbek EREJEPTIŃ jazbasynan.
