دجو بايدەن اكىمشىلىگى بەيسەنبى كۇنى تايۆان بۇعازى ارقىلى وڭتۇستىك قىتاي تەڭىزىنە سوعىس كەمەسىن جىبەردى. وقيعا ۆاشينگتون مەن بەيجىڭ اراسىنداعى اشىق قاقتىعىس قاۋپىن كۇشەيتتى، دەپ حابارلايدى "ادىرنا" ۇلتتىق پورتالى Qamshy.kz سايتىنا سىلتەمە جاساپ.
تايۆان ارالى مەن بەيجىڭ اراسىندا ورنالاسقان داۋلى تەڭىزدەردى بەيجىڭ ءوزىنىڭ يەلىگى رەتىندە تالاپ ەتەدى. ۆاشينگتون سول داۋلى ايماققا "Arleigh Burke" كلاسسىنداعى باسقارىلاتىن زىمىران جويعىش سوعىس كەمەسىن جىبەردى.
"USS دجون س.ماككەين" دەپ اتالاتىن سوعىس كەمەسى تىركەلگەن اقش-تىڭ جەتپىسىشى فلوتىنىڭ مالىمدەمەسىندە بۇل قادام "اقش-تىڭ ءۇندى-تىنىق مۇحيتى ايماعىنىڭ ەركىن جانە اشىق بولۋىنا دەگەن ۇمتىلىسىن كورسەتەدى" دەپ جاريالاندى.
اقش-تىڭ جاقىن وداقتاسى تايۆاندى بەيجىڭ ءوز اۋماعىنىڭ ءبىر بولىگى رەتىندە سانايدى. ال، دەموكراتيالىق تايۆان ءوزىن ەگەمەن ەل رەتىندە قاراستىرادى.
