اقش مەملەكەتتىك حاتشىسى ماركو رۋبيو كەلەسى جىلى قازاقستانعا كەلۋدى جوسپارلاپ وتىر، دەپ حابارلايدى “ادىرنا” ۇلتتىق پورتالى.
ول ورتالىق ازيانىڭ وزگە دە ەلدەرىنە ساپارمەن كەلۋدى جوسپارلاپ وتىرعانىن مالىمدەدى.
بۇل تۋرالى ول ۆاشينگتوندا ورتالىق ازيا مەملەكەتتەرىنىڭ سىرتقى ىستەر مينيسترلەرىمەن وتكەن كەزدەسۋدە ايتتى.
«مەن ءوزىم دە كەلەسى جىلى سول جاققا، ورتالىق ازيانىڭ بارلىق بەس ەلىنە بارۋدى جوسپارلاپ وتىرمىن. بۇل ءبىر اپتاعا نەمەسە ودان دا ۇزاققا سوزىلاتىن ساپار بولۋى مۇمكىن. بۇل جۇمىستى بىرلەسىپ اتقارۋىمىز قاجەت»، — دەدى رۋبيو.
سونىمەن قاتار، اقش مەملەكەتتىك حاتشىسى ۆاشينگتون مەن ورتالىق ازيا ەلدەرىنىڭ ەكونوميكالىق دامۋ، نارىققا شىعۋ جانە تابيعي رەسۋرستاردى يگەرۋ سالالارىندا ورتاق مۇددەلەرى بار ەكەنىن اتاپ ءوتتى.
رۋبيونىڭ ايتۋىنشا، اقش بۇل باعىتتار بويىنشا ىنتىماقتاستىقتى كەڭەيتىپ، ايماق ەلدەرىمەن سەرىكتەستىكتى جاڭا دەڭگەيگە كوتەرۋگە نيەتتى.
