ۇلتى قازاق دەپۋتات XIV بۇكىلقىتايلىق حالىق وكىلدەرى جينالىسىندا پرەزيديۋم مۇشەسى بولدى، دەپ حابارلايدى "ادىرنا" ءتىلشىسى قازاقپاراتقا سىلتەپ.
5 ناۋرىزدا تاڭەرتەڭگى ساعات 9:00-دە بەيجىڭدەگى حالىق جينالىستارى ۇيىندە XIV بۇكىلقىتايلىق حالىق وكىلدەرى جينالىسىنىڭ اشىلۋ سالتاناتى ءوتتى.
جينالىسقا قاتىسقانداردىڭ ىشىندە 60 ادامنان تۇراتىن شىڭجاڭ-ۇيعىر اۆتونوميالىق ولكەسى دەلەگاتسياسى 11 ۇلتتىڭ وكىلىنەن قۇرالعان.
قىتايداعى قازاق دەپۋتاتتار XIV بۇكىلقىتايلىق حالىق وكىلدەرى جينالىسىنىڭ ەكىنشى سەسسياسىنا جانە قىتاي حالىقتىق ساياسي كونسۋلتاتيۆتىك كەڭەسى XIV ۇلتتىق كوميتەتى جينالىسىنا قاتىسقان. ءتىزىم بويىنشا گۇلميرا داۋلەت، ەرشات تۇرسىنباي، سارقىت اقان، ايدىن تولقىن جانە زويا باحىت ەسىمدى ۇلتى قازاق 5 دەپۋتات بار.
ال سارقىت اقان XIV بۇكىلقىتايلىق حالىق وكىلدەرى جينالىسىنىڭ ەكىنشى سەسسياسى پرەزيديۋمىنىڭ مۇشەسى بولىپ سايلاندى. وتىرىستى توراعانىڭ مىندەتىن اتقارۋشى چجاو لەدجي وتكىزدى.
ودان بولەك، قىتاي حالىقتىق ساياسي كونسۋلتاتيۆتىك كەڭەسى XIV ۇلتتىق كوميتەتى جينالىسىنا قىتايلىق قانداسىمىز نۇرلان ابدۋلماجين جانە قادىربەك قامزا قاتىسىپ جاتىر.
