AQSh Qytaıǵa soǵys kemesin attandyrdy

4725
Adyrna.kz Telegram

Djo Baıden ákimshiligi beısenbi kúni Taıvan buǵazy arqyly Ońtústik Qytaı teńizine soǵys kemesin jiberdi. Oqıǵa Vashıngton men Beıjiń arasyndaǵy ashyq qaqtyǵys qaýpin kúsheıtti, dep habarlaıdy "Adyrna" ulttyq portaly Qamshy.kz saıtyna silteme jasap. 

Taıvan araly men Beıjiń arasynda ornalasqan daýly teńizderdi Beıjiń óziniń ıeligi retinde talap etedi. Vashıngton sol daýly aımaqqa "Arleigh Burke" klassyndaǵy basqarylatyn zymyran joıǵysh soǵys kemesin jiberdi.

 

"USS Djon S.Makkeın" dep atalatyn soǵys kemesi tirkelgen AQSh-tyń jetpisishi flotynyń málimdemesinde bul qadam "AQSh-tyń Úndi-Tynyq muhıty aımaǵynyń erkin jáne ashyq bolýyna degen umtylysyn kórsetedi" dep jarııalandy.

AQSh-tyń jaqyn odaqtasy Taıvandy Beıjiń óz aýmaǵynyń bir bóligi retinde sanaıdy. Al, demokratııalyq Taıvan ózin egemen el retinde qarastyrady.

Pikirler