كەزدەيسوقتىقتىڭ ءبارى كەزدەيسوقتىق ەمەس. سيلۆيا ساندوۆال — ديماش قۇدايبەرگەنگە ەرەكشە سىيلىق جاساعان جانكۇيەرلەرىنىڭ ءبىرى. ول 1994 جىلدىڭ 24 مامىرىندا ءدال قازاقستاندىق ءانشى دۇنيەگە كەلگەن كۇنى الەمدىك پوپ-مۋزىكا كورولى مايكل دجەكسوننىڭ وزىنەن قولتاڭبا العان. 24 جىلدان كەيىن سيلۆيا كوزىنىڭ قاراشىعىنداي ساقتاپ كەلگەن پلاكاتىن ديماش قۇدايبەرگەنگە تارتۋ ەتتى.
امەريكالىق ايەلدىڭ ايتۋىنشا، ونەرپازدىڭ داۋىسى ونىڭ ومىرگە دەگەن قۇلشىنىسىن وياتقان.
« ديماشتى تەلەديداردان كەزدەسەيسوق كورىپ قالدىم. ەسىمە بىردەن مايكلدى ءتۇسىردى. ءتىپتى سول كىسى سەكىلدى سويلەيتىندەي كورىندى. 2 جىل وتكەن سوڭ ول كاليفورنياعا كەلدى. ءانشىنىڭ بايسالدىلىعى مەن ۇستامدىلىعىن
پوپ-مۋزىكا كورولىنە ۇقساتىپ، وعان مايكل بەرگەن پلاكاتتى سىيلاۋعا شەشىم قابىلدادىم.سۇيىكتى انشىمە سىيلىعىمدى بەرەيىن دەپ جاتقان كەزدە پلاكاتتاعى «24/5/ 94» دەگەن جازۋعا كوزىم ءتۇسىپ كەتتى. بۇل مايكلدىڭ قول قويعان كۇنى ەدى. ال 1994 جىلدىڭ 24-ءشى مامىرىندا ديماش قۇدايبەرگەن ومىرگە كەلدى! مەنىڭ سول ساتتە نە سەزىنگەنىمدى سوزبەن ايتىپ جەتكىزۋ مۇمكىن ەمەس!
بۇكiل دەنەمنەن توك ءجۇرiپ وتكەندەي بولدى»،-دەيدى ول.
سيلۆيا ساندوۆال كەزدەسۋ بارىسىندا كۋميرىنەن پلاكاتتى اينالدىرىپ قاراۋىن وتىنگەن.
«ول بۇعان سەنە الماي، بىردەن مەنى قۇشاقتادى. بارلىعىمىز جىلاپ جىبەردىك. «بۇل پلاكاتتى 24 جىل بويى ساقتادىم، ەندى وعان سەن باس-كوز بول»،-دەدىم مەن.
مايكل ماعان پلاكاتتى بۇكتەپ جاتقاندا: «ەگەر سىزگە وسى پوستەردى بىرەۋگە بەرۋ قاجەت بولاتىن بولسا، ونى مىندەتتى تۇردە مەنى جاقسى كورەتىن ادامعا تارتۋ ەتىڭىز»،-دەپ ءوتىندى. مەن سولاي جاسادىم. ونى مايكلدى شىنىمەن جاقسى كورەتىن ادامعا بەردىم. شىنى كەرەك، مايكل ءبىر كۇنى ديماشقا ءدال وسى پلاكاتتى بەرەتىنىمدى سەزگەن سەكىلدى. تاڭعاجايىپ وقيعا!»- دەپ اعىنان جارىلدى وتانداسىمىزدىڭ جانكۇيەرى.
«ادىرنا» ۇلتتىق پورتالى
