Kezdeısoqtyqtyń bári kezdeısoqtyq emes. Sılvııa Sandoval — Dımash Qudaıbergenge erekshe syılyq jasaǵan jankúıerleriniń biri. Ol 1994 jyldyń 24 mamyrynda dál qazaqstandyq ánshi dúnıege kelgen kúni álemdik pop-mýzyka koroli Maıkl Djeksonnyń ózinen qoltańba alǵan. 24 jyldan keıin Sılvııa kóziniń qarashyǵyndaı saqtap kelgen plakatyn Dımash Qudaıbergenge tartý etti.
Amerıkalyq áıeldiń aıtýynsha, ónerpazdyń daýysy onyń ómirge degen qulshynysyn oıatqan.
« Dımashty teledıdardan kezdeseısoq kórip qaldym. Esime birden Maıkldy túsirdi. Tipti sol kisi sekildi sóıleıtindeı kórindi. 2 jyl ótken soń ol Kalıfornııaǵa keldi. Ánshiniń baısaldylyǵy men ustamdylyǵyn
pop-mýzyka koroline uqsatyp, oǵan Maıkl bergen plakatty syılaýǵa sheshim qabyldadym.Súıikti ánshime syılyǵymdy bereıin dep jatqan kezde plakattaǵy «24/5/ 94» degen jazýǵa kózim túsip ketti. Bul Maıkldyń qol qoıǵan kúni edi. Al 1994 jyldyń 24-shi mamyrynda Dımash Qudaıbergen ómirge keldi! Meniń sol sátte ne sezingenimdi sózben aıtyp jetkizý múmkin emes!
Búkil denemnen tok júrip ótkendeı boldy»,-deıdi ol.
Sılvııa Sandoval kezdesý barysynda kýmırinen plakatty aınaldyryp qaraýyn ótingen.
«Ol buǵan sene almaı, birden meni qushaqtady. Barlyǵymyz jylap jiberdik. «Bul plakatty 24 jyl boıy saqtadym, endi oǵan sen bas-kóz bol»,-dedim men.
Maıkl maǵan plakatty búktep jatqanda: «Eger sizge osy posterdi bireýge berý qajet bolatyn bolsa, ony mindetti túrde meni jaqsy kóretin adamǵa tartý etińiz»,-dep ótindi. Men solaı jasadym. Ony Maıkldy shynymen jaqsy kóretin adamǵa berdim. Shyny kerek, Maıkl bir kúni Dımashqa dál osy plakatty beretinimdi sezgen sekildi. Tańǵajaıyp oqıǵa!»- dep aǵynan jaryldy otandasymyzdyń jankúıeri.
«Adyrna» ulttyq portaly
