قازاقستان رەسپۋبليكاسىنىڭ مەملەكەتتىك حاتشىسى قىرىمبەك كوشەرباەۆ مەملەكەت باسشىسى قاسىم-جومارت توقاەۆتىڭ تاپسىرماسى بويىنشا بەلگىلى مادەنيەت جانە ونەر قايراتكەرلەرىنە قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ 2020 جىلعى مادەنيەت سالاسىنداعى مەملەكەتتىك ستيپەندياسىن تابىس ەتتى، دەپ حابارلايدى «ادىرنا» ءتىلشىسى اقورداعا سىلتەمە جاساپ.
مەملەكەتتىك ستيپەنديا قازاقستاننىڭ 75 ادەبيەت پەن ونەر قايراتكەرىنە تاعايىندالدى.
قازاقستان رەسپۋبليكاسىنىڭ تۇڭعىش پرەزيدەنتى – ەلباسى ستيپەندياسى ءابدىجامىل نۇرپەيىسوۆ، ءاسانالى ءاشىموۆ، نۇرعالي ءنۇسىپجانوۆ، الەكساندر گاركوۆەتس، دۋلات يسابەكوۆ، يرانبەك ورازباەۆ، بولات ايۋحانوۆ، گۋلۆيرا رازيەۆا جانە باسقا دا قازاق ادەبيەتى مەن ونەرىنىڭ مايتالماندارىنا تابىستالدى.
سونىمەن بىرگە، اقىندار باۋىرجان حاليوللا، ميراس اسان، بالەرينا اسەل جانعاسقاەۆا، اكتەر ايان وتەپبەرگەن، ونەرتانۋشى ۆالەريا نەدلينا جانە وزگە دە جاس دارىندارعا مەملەكەتتىك قولداۋ كورسەتىلدى.
«ادىرنا» ۇلتتىق پورتالى
