كۋبا ارالىندا 10 ميلليونعا جۋىق تۇرعىن تۇراتىن ەلدە دۇيسەنبى كۇنى ەلەكتر قۋاتى تولىق ءوشتى، دەپ حابارلايدى "ادىرنا" ۇلتتىق پورتالى.
بۇل تۋرالى كۋبالىق ەلەكتروجۇيەلەر وپەراتور كومپانياسى UNE حابارلادى. كومپانيا ناقتى سەبەپتەردى انىقتاۋ جۇمىستارى جۇرگىزىلىپ جاتقانىن مالىمدەدى.
ارالداعى ەلەكتر ەنەرگياسىن ءوندىرۋ جانە تاراتۋ جۇيەسى قاتتى توزعان، بۇعان دەيىن دە ۇزىلىستەر بولىپ وتىرعان. قازىرگى جاعدايدى ۋشىقتىرىپ وتىرعان باستى سەبەپتەردىڭ ءبىرى – ەلەكتروستانتسيالارعا قاجەتتى وتىننىڭ جەتىسپەۋشىلىگى.
ساۋدا-ەكونوميكالىق سانكتسيالار اياسىندا، اقش تاراپىنان كۋباعا قاتىستى مۇناي بلوكاداسى ەنگىزىلگەن. جىل باسىندا ۆەنەسۋەلا ليدەرى نيكولاس مادۋرونىڭ اقش تاراپىنان قاماۋعا الىنۋى ناتيجەسىندە كۋباعا مۇناي مەن مۇناي ونىمدەرىنىڭ جەتكىزىلۋى ءىس جۇزىندە توقتاعان.
AFP اگەنتتىگىنىڭ حابارلاۋىنشا، ارالدىڭ ءارتۇرلى ايماقتارىندا بىرنەشە ساعاتقا سوزىلاتىن ۇزىلىستەر ادەتكە اينالعان. ناۋرىز باسىندا ەلدەگى نەگىزگى ەلەكتروستانتسياداعى اقاۋ سالدارىنان ارالدىڭ ەكى ۇشتەن ءبىر بولىگى ەلەكترسىز قالعان.
Reuters اگەنتتىگىنىڭ مالىمەتىنشە، بيىل كۋبا پورتتارىنا تەك ەكى كىشكەنتاي جانارماي كەمەسى كەلگەن.
ەنەرگەتيكالىق داعدارىس ناتيجەسىندە كۋباداعى حالىق پەن مەملەكەتتىك مەكەمەلەر ۇزاق ۋاقىتقا ەلەكتر قۋاتىنان ايىرىلىپ، الەۋمەتتىك جانە ەكونوميكالىق سالاعا كەرى اسەر ەتىپ وتىر.
