Qazaqstan Respýblıkasynyń Memlekettik hatshysy Qyrymbek Kósherbaev Memleket basshysy Qasym-Jomart Toqaevtyń tapsyrmasy boıynsha belgili mádenıet jáne óner qaıratkerlerine Qazaqstan Respýblıkasynyń Tuńǵysh Prezıdenti – Elbasynyń 2020 jylǵy mádenıet salasyndaǵy memlekettik stıpendııasyn tabys etti, dep habarlaıdy «Adyrna» tilshisi Aqordaǵa silteme jasap.
Memlekettik stıpendııa Qazaqstannyń 75 ádebıet pen óner qaıratkerine taǵaıyndaldy.
Qazaqstan Respýblıkasynyń Tuńǵysh Prezıdenti – Elbasy stıpendııasy Ábdijámil Nurpeıisov, Asanáli Áshimov, Nurǵalı Núsipjanov, Aleksandr Garkove, Dýlat Isabekov, Iranbek Orazbaev, Bolat Aıýhanov, Gýlvıra Razıeva jáne basqa da qazaq ádebıeti men óneriniń maıtalmandaryna tabystaldy.
Sonymen birge, aqyndar Baýyrjan Halıolla, Mıras Asan, balerına Ásel Janǵasqaeva, akter Aıan Ótepbergen, ónertanýshy Valerııa Nedlına jáne ózge de jas daryndarǵa memlekettik qoldaý kórsetildi.
«Adyrna» ulttyq portaly
