شىمكەنت قالاسىندا ەرەكشە بالالاردىڭ اتا-انالارى ءوز كۇشتەرىمەن وڭالتۋ ورتالىعىن اشقان. بۇل تۋرالى قالا اكىمىنىڭ ءبىرىنشى ورىنباسارى شىڭعىس مۇقان Facebook جەلىسىندە جازدى، دەپ حابارلايدى «ادىرنا» ءتىلشىسى.
«Instagram پاراقشاما ءوتىنىش كەلىپ ءتۇستى. ونلاين قابىلدادىم. وزدەرى اشقان وڭالتۋ ورتالىعىنا شاقىردى. باردىم، كوردىم، ءتانتى بولدىم. ەرەكشە بالالاردىڭ انالارى ەكەن. وزدەرى بىرىگىپ، ءبىر ءۇيدى جالعا الىپ، ءوز بالالارىنا، ءبىر جاعىنان، بالاباقشا، ەكىنشى جاعىنان، رەابيليتاتسيا ۇيىمداستىرىپ وتىر. جاندارىم سول، سونشا بەينەت بەرگەن. امال نەشىك! بارعا شۇكىرشىلىك ايتاسىڭ»،-دەدى ول.
شىڭعىس مۇقان انالاردىڭ بۇل ارەكەتىن ناعىز كوشباسشىلىقتىڭ ۇلگىسىنە تەڭەدى.
«باسىڭا تۇسپەسە بىلمەيسىڭ. ەرەكشە بالانىڭ اتا-اناسى بولۋدى ءبىر ادامداي بىلەتىن ادام رەتىندە ايتارىم: جاسىماڭدار، اتا-انالار. اللا تاعالا سىناقتى كوتەرە الاتىن ادامدارعا عانا بەرەدى. تاعدىردى قابىلداپ، بالالاردى باقىتتى ەتۋ ءۇشىن ايانباڭىزدار. بارلىق نارسەنىڭ قايىرى بار.
ەرەكشە بالالاردىڭ اتا-انالارىنىڭ بۇل ارەكەتى – ناعىز كوشباسشىلىقتىڭ ۇلگىسى. مۇنى مەن «قارسىلىقسىز وزگەرىس» دەپ اتار ەدىم.ادام قيىندىققا تاپ بولعاندا ىشتە قارسىلىق پايدا بولادى. قارسىلىق ادەتتە وزىڭە ەمەس، وزگەگە باعىتتالادى. قاراسپادى دەپ مەمورگانداردى ايىپتايسىڭ. اعايىن-تۋما سىرت اينالىپ كەتكەندەي كورىنەدى. تاعدىرىڭا ناليسىڭ. وسىندايدا قارسىلىقتى سىرتقا ەمەس، ىشكە باعىتتاپ، قيىندىقتى مۇمكىندىككە اينالدىرۋعا، سۇراقتى وزگەگە ەمەس، ەڭ الدىمەن وزىڭە قويا ءبىلۋ – بۇل كوشباسشىلىق. نەگە «قارسىلىقسىز وزگەرىس»؟ مەن كەزدەسكەن اتا-انالار «بالامىزعا جاعداي جاساماي جاتىر، وڭالتۋ جوق» دەپ سىناپ، مەملەكەتتىك ساياساتقا قارسىلىق تانىتۋعا دا بولادى. وعان جانە قۇقىقتارى دا بار. بىراق سىناپ-مىنەمەي، قارسىلىق تانىتاتىن وبەكت ىزدەمەي، سول وزگەرىسكە وزدەرى كوشباسشى بولۋ، شىنىندا دا، ۇلگى بولارلىق. كوشباسشىلىق تانىتىپ جۇرگەن اتا-انالارعا مەملەكەت تاراپىنان زاڭ اياسىندا قانداي قولداۋ كورە الاتىنىن تۇسىندىردىك. ءبىر سوزبەن، جارايسىزدار!»-دەپ ءسوزىن قورىتىندىلادى اكىم ورىنباسارى.
«ادىرنا» ۇلتتىق پورتالى
