كەشە ەۋرازيا ارناسىنىڭ «پەندەمىز عوي» توك شوۋىندا دۇنيە كەلگەن نارەستە مەن ونىڭ اناسىن پەرزەنتحانادان شىعارىپ الۋدى سوڭعى كەزدە شوۋعا اينالدىرۋ ءۇردىسى جايلى اڭگىمە قوزعالدى.
وعان اتىراۋدا التىنشى جانە جەتىنشى بالاسىن، ياعني ەگىز پەرزەنتتەرىن ومىرگە اكەلگەن جارىنا ەرەكشە قۇرمەت كورسەتكەن ءادىل ەسىمدى جىگىت قاتىستى. قىرقىنان شىعىپ ۇلگىرمەگەن قوس ءسابي دە بۇل كۇنى انالارىمەن ستۋديا تورىنەن ورىن الدى. سول سەكىلدى ەكى ۇلدان كەيىن ومىرگە كەلگەن قىز بالا ءۇشىن پەرزەنتحانادا سەكسەن ادامعا داستارحان جايىپ، كىشىگىرىم توي جاساپ جىبەرگەن وتباسى مۇشەلەرى دە حابارعا كەلدى. ولاردىڭ اڭگىمەسىنىڭ ستۋديا قوناقتارىنا اسەر ەتكەنى سونداي، كەيبىر ەر-ازاماتتار، كەلىنشەكتەر تەز ارادا بالالى بولۋعا نيەت تانىتىپ، سول ءساتتى ۇمىتىلماس ساتكە اينالدىرۋعا ەستەرى كەتتى.
ولار ءۇشىن بالا ءسۇيۋ-ۇرپاق جالعاستىعى ءۇشىن ەمەس،وسىنداي شوۋ ءۇشىن قاجەت سەكىلدى اسەر قالدىردى.سىزدەر بىزگە بالا سۇيۋگە موتيۆاتسيا بەردىڭىزدەر دەپ جاتتى عوي كادىمگىدەي) تۇيگەنىم- جاستاردا كورسەقىزارلىق،باسەكەلەستىك ءورشىپ تۇر. كوبىسى سىرت كوزدىڭ پىكىرىنە تاۋەلدى. جاعدايى كەلگەندەر جاساي بەرسىن، قۋانىش سىيلاي بەرسىن، كوڭىل كوڭىلدەن سۋ ىشەدى دەيمىز-اۋ. بىراق وسىنىڭ استارىندا جۇبايلاردىڭ ءبىر-بىرىنە شىنايى ءىلتيپاتىنان گورى، سىرت كوزگە "كوردىڭ بە", دەگەندەي،" پالەنشەدەن ەش كەم ەمەسپىز" دەگەندەي وزدەرىنىڭ ءبىر ارتىقشىلىعىن دالەلدەگىسى كەلەتىن ىشكى كەمباعالدىعى، كومپلەكسى جاتقانداي كورىنەدى.
مۇنداي جىلت ەتپە شوۋدان گورى جاس جۇبايلار بالاسىنىڭ كىندىگىن كەستىرۋ شاراسىنا، جاس بوسانعان ساتتەگى انا كۇتىمىنە، بالا باعىمىنا ءمان بەرگەنى دۇرىس-اۋ دەپ ويلادىم. ويتكەنى، بۇگىندە ءبىزدىڭ بالالارىمىزدىڭ كىندىگىن كىم كەسىپ جاتقانى بەلگىسىز. ال، قازاق بۇل ۇردىسكە بالانىڭ تاعدىرىنا اسەر ەتەتىن ەرەكشە ءراسىم رەتىندە قاراپ، ونى ەلگە سىيلى، عۇمىرى ونەگەلى دە ءساتتى ادامدارعا اتقارتقان. سول سەكىلدى جاس اناعا قالجا جەگىزىپ، باپتاۋ دا ۇمىتىلىپ بارا جاتقان ءداستۇر. وكىنىشكە وراي، انا مەن بالا،جالپى ۇرپاق ساۋلىعىندا ماڭىزدى وسىنداي ۇردىستەر ۇمتىلىپ، شەتتەن كەلگەن، پايداسى شامالى كەرىسىنشە جاس بوسانعان انانى، جاڭا تۋعان بالانى كولدەنەڭ كوز، ءتىل-سۇق نازارىنا تۇسىرەتىن داڭعازا، جاتجۇرتتىق شوۋلارعا قۇمارتىپ بارامىز.
جازباسىنان.
