Keshe Eýrazııa arnasynyń «Pendemiz ǵoı» tok shoýynda dúnıe kelgen náreste men onyń anasyn perzenthanadan shyǵaryp alýdy sońǵy kezde shoýǵa aınaldyrý úrdisi jaıly áńgime qozǵaldy.
Oǵan Atyraýda altynshy jáne jetinshi balasyn, ıaǵnı egiz perzentterin ómirge ákelgen jaryna erekshe qurmet kórsetken Ádil esimdi jigit qatysty. Qyrqynan shyǵyp úlgirmegen qos sábı de bul kúni analarymen stýdııa tórinen oryn aldy. Sol sekildi eki uldan keıin ómirge kelgen qyz bala úshin perzenthanada seksen adamǵa dastarhan jaıyp, kishigirim toı jasap jibergen otbasy músheleri de habarǵa keldi. Olardyń áńgimesiniń stýdııa qonaqtaryna áser etkeni sondaı, keıbir er-azamattar, kelinshekter tez arada balaly bolýǵa nıet tanytyp, sol sátti umytylmas sátke aınaldyrýǵa esteri ketti.
Olar úshin bala súıý-urpaq jalǵastyǵy úshin emes,osyndaı shoý úshin qajet sekildi áser qaldyrdy.Sizder bizge bala súıýge motıvaııa berdińizder dep jatty ǵoı kádimgideı) Túıgenim- jastarda kórseqyzarlyq,básekelestik órship tur. Kóbisi syrt kózdiń pikirine táýeldi. Jaǵdaıy kelgender jasaı bersin, qýanysh syılaı bersin, kóńil kóńilden sý ishedi deımiz-aý. Biraq osynyń astarynda jubaılardyń bir-birine shynaıy iltıpatynan góri, syrt kózge "kórdiń be", degendeı," pálensheden esh kem emespiz" degendeı ózderiniń bir artyqshylyǵyn dáleldegisi keletin ishki kembaǵaldyǵy, kompleksi jatqandaı kórinedi.
Mundaı jylt etpe shoýdan góri jas jubaılar balasynyń kindigin kestirý sharasyna, jas bosanǵan sáttegi ana kútimine, bala baǵymyna mán bergeni durys-aý dep oıladym. Óıtkeni, búginde bizdiń balalarymyzdyń kindigin kim kesip jatqany belgisiz. Al, qazaq bul úrdiske balanyń taǵdyryna áser etetin erekshe rásim retinde qarap, ony elge syıly, ǵumyry ónegeli de sátti adamdarǵa atqartqan. Sol sekildi jas anaǵa qalja jegizip, baptaý da umytylyp bara jatqan dástúr. Ókinishke oraı, ana men bala,jalpy urpaq saýlyǵynda mańyzdy osyndaı úrdister umtylyp, shetten kelgen, paıdasy shamaly kerisinshe jas bosanǵan anany, jańa týǵan balany kóldeneń kóz, til-suq nazaryna túsiretin dańǵaza, jatjurttyq shoýlarǵa qumartyp baramyz.
jazbasynan.
