بۇگىن قازاق حالقىنىڭ ارداقتى پەرزەنتى، اسا كورنەكتى مەملەكەت جانە قوعام قايراتكەرى، ءۇش مارتە سوتسياليستىك ەڭبەك ەرى دىنمۇحامەد احمەتۇلى قوناەۆتىڭ دۇنيەگە كەلگەن كۇنى.
«ادىرنا» ۇلتتىق پورتالى دارا تۇلعانىڭ قاناتتى سوزدەرىن نازارلارىڭىزعا ۇسىنادى.
🔻بيلىككە كوتەرىلدىم، بىراق حالىقتان الاسا ەكەنىمدى ۇمىتپادىم، قايتىپ اشار ەسىگىمدى قاتتى جاپپادىم. ءتۇپتىڭ تۇبىندە ورالار ورتام – ەل ءىشى، اعايىن ورتاسى. باسار جەرىم دە، بارار جەرىم دە – قارا جەر. قاستەرلەي بىلسەم قادىرىمنىڭ كەتپەسىن ءبىلدىم. پاناڭ دا ەل، داناڭ دا ەل. سوعان ارقا سۇيەدىم، سودان ۇيرەندىم.
🔻قاراڭ قالعان بيلىك قايتىپ وڭالمايدى.
🔻ساتىعا اياق سالماي جاتىپ، باسپالداقتان اتتاما.
ء🔻ومىر دەگەن وسى، بۇگىن بار، ەرتەڭ جوقسىڭ. سەن كەتتى ەكەن دەپ ءومىر-وزەن اعىسىن وزگەرتپەيدى.
🔻ابىرويدان اق وتاۋ تىكتىم دەگەن كىسىنىڭ دە پەندەلىگى از بولمايدى.
ء🔻ومىردىڭ ەكى تىرەگى: ۇيرەنۋدەن جالىقپاۋ، ۇيرەتۋدەن ايانباۋ.
ء🔻ورتتى سوندىرۋدەن گورى ونى تۇتاتپاۋ ەرلىك.
🔻مىرزالار، ءبىر ۇرتىڭمەن ماي شايناپ، ءبىر ۇرتىڭمەن قان جۇتۋعا بولمايدى. اتقا مىنگەن اكىم ۇزەڭگىسىن تەڭ باسپاعانىن بەتىنە باسساڭ باس، بىراق تاريحقا، تاريحپەن تاعدىرلاس حالىققا قيانات جاساما.
«ادىرنا» ۇلتتىق پورتالى
