Бүгін қазақ халқының ардақты перзенті, аса көрнекті мемлекет және қоғам қайраткері, үш мәрте Социалистік еңбек ері Дінмұхамед Ахметұлы Қонаевтың дүниеге келген күні.
«Адырна» ұлттық порталы дара тұлғаның қанатты сөздерін назарларыңызға ұсынады.
🔻Билікке көтерілдім, бірақ халықтан аласа екенімді ұмытпадым, қайтып ашар есігімді қатты жаппадым. Түптің түбінде оралар ортам – ел іші, ағайын ортасы. Басар жерім де, барар жерім де – қара жер. Қастерлей білсем қадірімнің кетпесін білдім. Панаң да ел, данаң да ел. Соған арқа сүйедім, содан үйрендім.
🔻Қараң қалған билік қайтып оңалмайды.
🔻Сатыға аяқ салмай жатып, баспалдақтан аттама.
🔻Өмір деген осы, бүгін бар, ертең жоқсың. Сен кетті екен деп өмір-өзен ағысын өзгертпейді.
🔻Абыройдан ақ отау тіктім деген кісінің де пенделігі аз болмайды.
🔻Өмірдің екі тірегі: үйренуден жалықпау, үйретуден аянбау.
🔻Өртті сөндіруден гөрі оны тұтатпау ерлік.
🔻Мырзалар, бір ұртыңмен май шайнап, бір ұртыңмен қан жұтуға болмайды. Атқа мінген әкім үзеңгісін тең баспағанын бетіне бассаң бас, бірақ тарихқа, тарихпен тағдырлас халыққа қиянат жасама.
«Адырна» ұлттық порталы
