بۇگىن قازاقستان حالقى اسسامبلەياسىنىڭ XXVIII سەسسياسىندا توعىز دەپۋتاتتىڭ ماجىلىسكە باراتىنى بەلگىلى بولدى. داۋىس بەرۋگە اسسامبلەيانىڭ 351 مۇشەسى قاتىسىپ، توعىز ادامعا داۋىس بەردى. ولار كىمدەر؟
سونىمەن ساۋىتبەك ابدراحمانوۆ - 298, اۆەتيك اميرحانيان - 270, يلياس بۋلاروۆ - 274, ناتاليا دەمەنتەۆا - 292, يۋري لي - 282, ۆاكيل نابيەۆ - 285, شاميل وسين - 271, ۆلاديمير توحتاسۋنوۆ - 277, ابيلفاس حامەدوۆ 290 داۋىس الدى.
ءبىر ەرەكشەلىگى، كەشە قازاقستانداعى ءماجىلىس سايلاۋىنا سايلاۋشىلاردىڭ 63 پايىزدان استامى قاتىسسا، بۇگىنگى اسسامبلەيادان ۇسىنىلعان 9 وكىلگەبار-جوعى 351 ادام داۋىس بەردى. بۇل ەلباسى نەگىزىن قالاپ بەرگەن اسسامبلەيانىڭ حالىقتىق داۋىستان ايىرماشىلىعى. اسسامبلەيانىڭ ارتىقشىلىعى سوندا، ولاردان پارلامەنتكە ۇسىنىلعان ءۇمىتكەردى قازاقستان حالقى ەمەس، وزدەرى سايلايدى. بىراق تاۋەلسىزدىك العانىمىزعا -30 جىل، اسسامبلەيانىڭ قۇرىلعانىنا 25 جىلدان استام ۋاقىت وتسە دە، ەتنوس وكىلدەرىنىڭ 100 پايىز قازاقشا سويلەپ كەتكەن ءبىرى جوق. ءارينە مەملەكەتتىك تىلدە سويلەيتىن بىرەن-ساراندارى بار. اسسامبلەيا جيىنى بولسا، ىلعي سولاردى العا شىعارادى. ەلباسىنىڭ، پرەزيدەنت توقاەۆتىڭ الدىندا سويلەتەدى. ولار دا كوسىلە سويلەۋگە ۇيرەنىپ الدى قءازىر. سوزدەن جاڭىلىسپايدى، وقۋشىنىڭ تاقپاق جاتتاعانىنداي كوسىلەدى. جاتتاپ الدى ما، جوق پا، بىزگە دە قازىر ءبارىبىر بولىپ قالدى. بىراق بۇگىن سايلانعان «توعىز تۇلعا» قازاقتىڭ كۇيىن كۇيتتەپ، مەملەكەت ءتىلدىڭ مۇددەسى ءۇشىن ارپالىسىپ، سوتتاسىپ جۇرگەن ءبىر وعىز دوعاننىڭ تىرلىگىن ىستەي الا ما؟ جاتتاندى ءسوز تاتۋلىق پەن تۇتاستىققا، ىنتىماق، بىرلىككە عانا قۇرىلاتىن اسسامبلەياداعى «توعىزدىڭ جىرى» وعىزدىڭ جىرىنا اينالا الا ما؟ ماسەلە سوندا. اسسامبلەيانىڭ قاي جيىنى باستان-اياق قازاق تىلىندە ءوءتىپ ەدى؟! ساۋساقپەن سانارلىقتاي عانا.
ايتا بەرسەك، اسسامبلەيا جايلى اڭگىمە كوپ. الەۋمەتتىك جەلى دە ازاننان بەرى سايلانعان توعىز دەپۋتاتقا قاتىستى جىرىن كەڭىنەن تولعاپ جاتىر.
–بۇل 9 دەپۋتات ماجىلىستە قازاقتىڭ مۇددەسىن قورعاي ما، الدە وزدەرىنە داۋىس بەرگەن ەتنوستاردىڭ مۇددەسىن قورعاي ما؟ ەڭ باستىسى، مونوۇلتتى قازاقستاننىڭ نەگىزى - ءبىز، قازاقتار، وسى 9 دەپۋتاتقا داۋىس بەرمەسەك، نەگە ولار ماجىلىستە 4 جىل ءبىزدىڭ ەسەبىمىزدەن ميلليونداپ جالاقى الىپ، دەپۋتاتتىق مانداتتىڭ قىزىعىن كورۋ كەرەك؟!. اسسامبلەيا اتىنان ءتۇسىپ جاتقان 9 ۇمىتكەردىڭ قاتارىندا ۇزاق جىل « ەگەمەن قازاقستان» گازەتىن باسقارعان ساۋىتبەك ءابدىراحمانوۆ ءجۇر. سوندا ول قازاق ەمەس پە؟ ول قاي ەتنوستىڭ وكىلى؟ ەشبىر مەملەكەتتە جوق، تەك قازاقستاندا عانا ۇستەمدىك ەتىپ تۇرعان بۇل قانداي زاڭ؟, – دەيدى ازامات تاسقاراۇلى ءوزىنىڭ الەۋمەتتىك جەلىدەگى جازباسىندا.
جاقىندا مەملەكەت باسشىسى قاسىم-جومارت توقاەۆ قازاق ءتىلىن ءالى جەتە مەڭگەرمەگەن وتانداستارعا ۇندەۋ تاستادى.
–مەملەكەتتىك ءتىلدى ءبىلۋ – قازاقستاننىڭ ءاربىر ازاماتىنىڭ پارىزى. مىندەتى دەپ تە ايتۋعا بولادى. جاستار اعىلشىن ءتىلىن نەمەسە باسقا دا تىلدەردى از عانا ۋاقىتتا مەڭگەرە الاتىنىن كورءىپ وتىرمىز. تۇتاس بۋىن الماسقان وسى جىلداردا قازاق ءتىلىنۇيرەنگىسى كەلگەن ادام ونى الدەقاشان ءبىلىپ شىعارەدى. حالقىمىزدا «ەشتەن كەش جاقسى» دەگەن ءسوزبار. ەڭ باستىسى, ىنتا بولۋى كەرەك, – دەدى پرەزيدەنت توقاەۆ.
...ەندەشە وسى مەملەكەتتىڭ اسىن ءىشىپ، اۋاسىن جۇتقان اسسامبلەيادان سايلانىپ ءماجىلىس مىنبەرىندە ءسوز سويلەيتىن «توعىزدىڭ جىرى» ارقاشان وعىزدىڭ جىرىنا اينالۋى كەرەك.
«ادىرنا» ۇلتتىق پورتالى
