قر ۇلتتىق بانكى 4 قاراشادا «دالا قازىناسى» مونەتالار سەرياسىنان نومينالى 500 تەڭگەلىك، «proof» ساپالى «كۇلتەگىن» كۇمىس ەسكەرتكىش مونەتالارىن اينالىسقا شىعاردى دەپ حابارلايدى "ادىرنا" پورتالى قازاقپاراتقا سىلتەمە جاساپ.
كۇلتەگىن (685ج. - 731ج.) - كوپتەگەن كوشپەلى حالىقتاردىڭ باسىن بىرىكتىرگەن تۇركى حالقىنىڭ داڭقتى اسكەري قولباسشىسى.
ونىڭ قۇرمەتىنە ۇلكەن وبالار كەشەنى سالىنعان، ونىڭ ماڭىزدى بولىگىن بىرقاتار بالبال تاستار قۇرايدى. كۇلتەگىننىڭ ەپيتافياسىن - VIII عاسىرداعى تۇركى جازباسىنىڭ ەسكەرتكىشىن 1889 جىلى ورحون وزەنىنىڭ (موڭعوليا) بويىنان كوشو-تسايدام دالاسىندا ن.م. يادرينتسەۆ تاپتى. جازبالاردىڭ سىرىن 1893 جىلى دات عالىمى، پروفەسسور ۆيلگەلم تومسەن اشتى.
ۇلتتىق بانك ءباسپاسوز قىزمەتىنىڭ حابارلاۋىنشا، مونەتالاردىڭ بەت جاعىندا (اۆەرسىندە) ورتالىق بولىگىندە ويۋ-ورنەك بەينەلەنگەن، ونىڭ ىشكى جاعىندا قازاقستان ەلتاڭباسى جانە مەملەكەتتىك تىلدە «قازاقستان رەسپۋبليكاسى» جانە ورىس تىلىندە «رەسپۋبليكا كازاحستان» دەگەن جازبا بار. تومەنگى بولىگىندە مونەتانىڭ نومينالىن بىلدىرەتىن «500 تەڭگە» دەگەن جازۋ، جوعارعى بولىگىندە قازاقستان رەسپۋبليكاسى ۇلتتىق بانكىنىڭ لوگوتيپى بار. جىلتىر بەتىنە ءجىپ تارىزدەس ويۋ-ورنەك سالىنعان. مونەتالاردى اينالدىرا جالپاق جيەك جۇرگىزىلگەن، وندا سوعىلعان جىلىن بىلدىرەتىن «2016» جانە مونەتا دايىندالعان مەتالدى، ونىڭ سىنامىن جانە ماسساسىن بىلدىرەتىن «Ag 925 31.1g» دەگەن دەگەن جازۋ ورنالاسقان.
مونەتالاردىڭ سىرت جاعىندا (رەۆەرسىندە) ورتاسىندا اتاقتى ورحون ەسكەرتكىشى كەشەنىنىڭ بەدەر تاقتاسىنان الىنعان رۋنيكالىق جازبا بولىگىنىڭ اياسىندا تۇركى كوسەمى ءمۇسىنىنىڭ ءبىر بولىگىنىڭ «تاسقا ۇقساس» وكسيدتەلگەن بەدەرلى بەينەسى ورنالاسقان. جيەك مونەتانىڭ ورحون كەشەنىنىڭ بەينەلى بايلانىسىن كورسەتەتىن، تاسقا ۇقساس ستيلدەندىرىلگەن جاقتاۋشا تۇرىندە جاسالعان. جيەگىندە تۇركى رۋنيكالىق جازباسى ستيليستيكاسىندا جازىلعان «كۇلتەگىن» دەگەن جازۋ جانە مونەتا سەرياسىنىڭ ءۇش تىلدەگى: مەملەكەتتىك تىلدەگى «دالا قازىناسى»، ورىس تىلىندەگى «سوكروۆيششا ستەپي» جانە اعىلشىن تىلىندەگى «TREASURES OF THE STEPPE» دەگەن اتاۋى ورنالاسقان.
مونەتالاردىڭ بەت جانە سىرت جاعىنداعى بەينەلەر مەن جازبالار بەدەرلەنگەن.
قىرى (گۋرتى) تەگىس، بەدەرسىز جانە جازباسىز.
مونەتالار 925 سىنامدى كۇمىستەن جاسالعان، ماسساسى - 31,1 گ، 30ح45 مم تىكتورتبۇرىش، دايىنداۋ ساپاسى - «proof»، ەڭ كوپ تارالىمى - 5 مىڭ دانا.
مونەتالار ونىڭ رەۆەرسىندەگى بەينەنى وكسيدتەۋ (حيميالىق بوياۋ) تەحنولوگياسى پايدالانا وتىرىپ دايىندالدى.
نومينالى 500 تەڭگەلىك ەسكەرتكىش مونەتالار قازاقستاننىڭ بۇكىل اۋماعىندا كورسەتىلگەن قۇنىمەن تولەمنىڭ بارلىق تۇرلەرى بويىنشا، سونداي-اق بانك شوتتارىنا جانە اۋدارىم جاساۋ ءۇشىن قابىلدانۋعا مىندەتتى، قازاقستاننىڭ بارلىق بانكتەرىندە شەكتەۋسىز ۇساقتالادى جانە ايىرباستالادى.
ەسكەرتكىش مونەتالاردى «قر ۇلتتىق بانكىنىڭ قازاقستان تەڭگە سارايى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنى دايىنداعان.
مونەتالاردىڭ ديزاينى قازاقستان رەسپۋبليكاسى پرەزيدەنتىنىڭ 2003 جىلعى 25 قىركۇيەكتەگى № 1193 جارلىعىمەن بەكىتىلگەن قازاقستان تەڭگەسى - ۇلتتىق ۆاليۋتا بانكنوتتارى مەن مونەتالارى ديزاينىنىڭ تۇجىرىمداماسىنا سايكەس ازىرلەنگەن. «Proof» ساپاسىمەن جاسالعان ەسكەرتكىش مونەتالار كوللەكتسيالىق قۇنى بويىنشا ساتۋعا ارنالعان. ولار كادەسىيلىق وراۋمەن شىعارىلادى جانە ۇلتتىق بانكىنىڭ مەملەكەتتىك، ورىس جانە اعىلشىن تىلدەرىندەگى نومىرلىك ساپا سەرتيفيكاتىمەن جابدىقتالعان.
مونەتالاردى قر ۇلتتىق بانكىنىڭ بارلىق فيليالدارىندا، سونداي-اق قر ۇب-نىڭ nationalbank.kz سايتىنداعى ينتەرنەت-دۇكەن ارقىلى دا ساتىپ الۋعا بولادى.
"ادىرنا"
