QR Ulttyq banki 4 qarashada «Dala qazynasy» monetalar serııasynan nomınaly 500 teńgelik, «proof» sapaly «Kúltegin» kúmis eskertkish monetalaryn aınalysqa shyǵardy dep habarlaıdy "ADYRNA" portaly QazAqparatqa silteme jasap.
Kúltegin (685j. - 731j.) - kóptegen kóshpeli halyqtardyń basyn biriktirgen túrki halqynyń dańqty áskerı qolbasshysy.
Onyń qurmetine úlken obalar kesheni salynǵan, onyń mańyzdy bóligin birqatar balbal tastar quraıdy. Kúlteginniń epıtafııasyn - VIII ǵasyrdaǵy túrki jazbasynyń eskertkishin 1889 jyly Orhon ózeniniń (Mońǵolııa) boıynan Kosho-aıdam dalasynda N.M. Iadrınev tapty. Jazbalardyń syryn 1893 jyly dat ǵalymy, professor Vılgelm Tomsen ashty.
Ulttyq bank baspasóz qyzmetiniń habarlaýynsha, monetalardyń bet jaǵynda (aversinde) ortalyq bóliginde oıý-órnek beınelengen, onyń ishki jaǵynda Qazaqstan eltańbasy jáne memlekettik tilde «QAZAQSTAN RESPÝBLIKASY» jáne orys tilinde «RESPÝBLIKA KAZAHSTAN» degen jazba bar. Tómengi bóliginde monetanyń nomınalyn bildiretin «500 TEŃGE» degen jazý, joǵarǵy bóliginde Qazaqstan Respýblıkasy Ulttyq Bankiniń logotıpi bar. Jyltyr betine jip tárizdes oıý-órnek salynǵan. Monetalardy aınaldyra jalpaq jıek júrgizilgen, onda soǵylǵan jylyn bildiretin «2016» jáne moneta daıyndalǵan metaldy, onyń synamyn jáne massasyn bildiretin «Ag 925 31.1g» degen degen jazý ornalasqan.
Monetalardyń syrt jaǵynda (reversinde) ortasynda ataqty Orhon eskertkishi kesheniniń beder taqtasynan alynǵan rýnıkalyq jazba bóliginiń aıasynda túrki kósemi músininiń bir bóliginiń «tasqa uqsas» oksıdtelgen bederli beınesi ornalasqan. Jıek monetanyń Orhon kesheniniń beıneli baılanysyn kórsetetin, tasqa uqsas stıldendirilgen jaqtaýsha túrinde jasalǵan. Jıeginde túrki rýnıkalyq jazbasy stılıstıkasynda jazylǵan «KÚLTEGIN» degen jazý jáne moneta serııasynyń úsh tildegi: memlekettik tildegi «DALA QAZYNASY», orys tilindegi «SOKROVIA STEPI» jáne aǵylshyn tilindegi «TREASURES OF THE STEPPE» degen ataýy ornalasqan.
Monetalardyń bet jáne syrt jaǵyndaǵy beıneler men jazbalar bederlengen.
Qyry (gýrty) tegis, bedersiz jáne jazbasyz.
Monetalar 925 synamdy kúmisten jasalǵan, massasy - 31,1 g, 30h45 mm tiktórtburysh, daıyndaý sapasy - «proof», eń kóp taralymy - 5 myń dana.
Monetalar onyń reversindegi beıneni oksıdteý (hımııalyq boıaý) tehnologııasy paıdalana otyryp daıyndaldy.
Nomınaly 500 teńgelik eskertkish monetalar Qazaqstannyń búkil aýmaǵynda kórsetilgen qunymen tólemniń barlyq túrleri boıynsha, sondaı-aq bank shottaryna jáne aýdarym jasaý úshin qabyldanýǵa mindetti, Qazaqstannyń barlyq bankterinde shekteýsiz usaqtalady jáne aıyrbastalady.
Eskertkish monetalardy «QR Ulttyq bankiniń Qazaqstan teńge saraıy» sharýashylyq júrgizý quqyǵyndaǵy respýblıkalyq memlekettik kásiporny daıyndaǵan.
Monetalardyń dızaıny Qazaqstan Respýblıkasy Prezıdentiniń 2003 jylǵy 25 qyrkúıektegi № 1193 Jarlyǵymen bekitilgen Qazaqstan teńgesi - ulttyq valıýta banknottary men monetalary dızaınynyń tujyrymdamasyna sáıkes ázirlengen. «Proof» sapasymen jasalǵan eskertkish monetalar kollekııalyq quny boıynsha satýǵa arnalǵan. Olar kádesyılyq oraýmen shyǵarylady jáne Ulttyq bankiniń memlekettik, orys jáne aǵylshyn tilderindegi nómirlik sapa sertıfıkatymen jabdyqtalǵan.
Monetalardy QR Ulttyq bankiniń barlyq fılıaldarynda, sondaı-aq QR UB-nyń nationalbank.kz saıtyndaǵy ınternet-dúken arqyly da satyp alýǵa bolady.
"ADYRNA"
