بۇدان جارتى عاسىر بۇرىن جيىرمانىڭ جالىنا ەندى عانا جارماسقان قىزىلوردالىق جاس ءفوتوتىلشى عالامات سۋرەت (1-فوتو) ءتۇسىردى. سول كۇنى ول «قازاقفيلمگە» اۋىلداس اعاسى، اتاقتى رەجيسسەر سۇلتان قوجىقوۆتى ىزدەپ بارىپتى. ءزاۋلىم عيماراتتىڭ ءبىر مۇيىسىندە كوزىنە تۇسكەن جاراسىمدى جۇپتى دەرەۋ قولىنداعى فوتومىلتىعىنىڭ قاراۋىلىنا ىلىكتىرەدى.
بىراق سول جولى سىر بويىنىڭ سيداڭ جىگىتى بولات وماراليەۆ (2-فوتو) كينوعا ءتۇسىپ جاتقان قۇمان مەن مەرۋەرتتى، ياعني، ايگىلى قىز جىبەك پەن تولەگەندى تاريحتىڭ تاسپاسىنا تاڭبالاعانىن بىلمەپتى.
بولات وماراليەۆبۇگىندە بۇل ونەردىڭ شىڭىنا شىققان تەڭدەسسىز تالانت، كوزدەگەنى ءمۇلت كەتپەيتىن فوتومەرگەن ارادا ەلۋ جىل وتكەندە سول سۋرەتتى تاۋىپ الىپ، جارياعا جار سالدى. ءبىرتۋار بولات اعامىزدىڭ جالپاق جۇرتقا تانىمال جايدارى جۇپتى تاسپاعا تارتقانى ءبىر بۇل ەمەس. ونىڭ قازىنالى قورجىنىن اقتارا قالساڭ، تاستانبەكوۆتىڭ تاريحى مەن وتەكەشوۆانىڭ ورنەكتەرى كوپتەپ تابىلادى.
ويتكەنى اقبوزاتتىڭ يەسى سىر بويىنا تالاي رەت كەلدى. 1971 جىلى «قىز جىبەك» ءفيلمىنىڭ اقمەشىتتەگى العاشقى كورسەتىلىمىنە قاتىستى (3-فوتو).
1992 جىلى ءوزى رولىندە ويناعان جاستاردىڭ جالىندى جەتەكشىسى عاني مۇراتباەۆتى ۇلىقتاۋ تويىنا باردى (4-فوتو).
2008 جىلى ءوزىنىڭ جەتپىس جىلدىعىنا وراي قىزىلوردادا وتكەن مەرەكەلىك قويىلىمدى تاماشالادى (5-فوتو).
سول سىرلى ساپارلاردىڭ اراسىندا ۇزەڭگىلەس دوسى بولات اعامىزبەن سۋرەتكە ءتۇسۋدى دە (6-فوتو) ۇمىتقان جوق...
ەكى مىڭ ون جەتىنشى جىلعى جەلتوقساننىڭ ون بەسىندە ارداقتى مەرۋەرت اپايىمىز اقوردادان «پاراسات» وردەنىن تاعىپ، ءجۇزى جارقىراپ، الماتىعا اتتانىپ ەدى (7-فوتو). ءبارىمىز دە قۋانا قۇتتىقتاعانبىز. بىراق... ەكى كۇننەن سوڭ قادىرلى قۇمان اعامىز جۇلدىزدار الەمىن بەتكە الدى...
بۇگىن قىز جىبەك پەن تولەگەندى ايالاعان قالىڭ قازاقتىڭ «يەڭ قايدا، اقبوزات؟»، – دەپ كۇرسىنگەنىنە تۋرا ءۇش جىل... اقبوزات، سەنى قايتەيىن...
باۋىرجان ومارۇلى
