جاڭا 2021 جىلدىڭ 2 قاڭتارىندا قر پارلامەنتى ءماجىلىسى جانە سولتۇستىك قازاقستان وبلىسى ءماسليحاتتارىنىڭ دەپۋتاتتىعىنا ءبىر توپ كانديدات ايىرتاۋ اۋدانىنىڭ يمانتاۋ اۋىلىندا بولىپ، يمانتاۋ-شالقار كۋرورتتىق ايماعىنىڭ ۇجىمىمەن كەزدەستى.
كەزدەسۋدىڭ نەگىزگى ماقساتى پارتيانىڭ اۋىلداعى اۋىل شارۋاشىلىعىنا جاتپايتىن بيزنەس تۇرلەرىن دامىتۋ، بۇقارالىق سپورت پەن اگروتۋريزمدى دامىتۋ جونىندەگى باستامالارىن ءتۇسىندىرۋ. اتالعان كەشەن «كوكشەتاۋ» مەملەكەتتىك ۇلتتىق تابيعي پاركىنىڭ اۋماعىندا ورنالاسقان جانە قازاقستان رەسپۋبليكاسىندا ءتۋريزمدى دامىتۋ بويىنشا 10 باسىم جوبانىڭ قاتارىنا كىردى.
كانديدات تولەۋتاي راقىمبەكوۆ اتاپ وتكەندەي، 2020 جىلدىڭ باسىنان بەرى كوروناۆيرۋس پاندەمياسىنا بايلانىستى ءتۋريزمنىڭ سىرتقى باعىتتارى ءىس جۇزىندە توقتاپ قالدى جانە بۇل جاعداي قازاقستاندىق تۋريستەر اعىنىن ىشكى كۋرورتتارعا قايتا باعىتتاۋعا، وتاندىق تۋريستىك سالانى دامىتۋعا بىرەگەي مۇمكىندىك بەرەدى. پارتيا باعدارلاماسىندا اۋىلداعى اۋىل شارۋاشىلىعى ەمەس بيزنەس تۇرلەرىن دامىتۋ بويىنشا شارالار قاراستىرىلعان، ولار نارىقتى قوناق ءۇي قىزمەتتەرىن ۇسىنۋ، دەمالىس نىساندارىن سالۋ جانە فەرمەرلەردى اگروتۋريزممەن اينالىسۋعا ىنتالاندىرۋ سياقتى قوسىمشا قىزمەتتەرمەن «نىعايتۋدى» كوزدەيدى.
سوڭعىسى وتە پەرسپەكتيۆالى بولىپ كورىنەدى. ت.راقىمبەكوۆتىڭ پىكىرىنشە، شىعىس ەۋروپانىڭ بىرقاتار ەلدەرىندە ۇلتتىق مادەنيەت پەن تۇرمىستى ساقتاۋ ءۇشىن اگروتۋريزم نىساندارى جۇمىس ىستەيدى. ولار سپورتتىق دەمالىس قىزمەتتەرى مەن جەرگىلىكتى جەردىڭ تابيعي، مادەني-تاريحي جانە باسقا دا رەسۋرستارىن پايدالانۋعا باعىتتالعان اۋىلدىق ينفراقۇرىلىم ەلەمەنتتەرىن بىرىكتىرەدى.
يمانتاۋ كەنتىنىڭ تۇرعىندارى ءۇشىن قولونەرشىلىك تابىس دەڭگەيىن ارتتىرۋدىڭ پەرسپەكتيۆالى باعىتى بولا الادى، دەپ ەسەپتەيدى كانديدات، ەتنوديزاينەر باحارگۇل تولەگەن. وسى ماڭىزدى سەكتوردى دامىتۋ شاعىن كاسىپورىنداردىڭ كەڭ جەلىسىن قۇرۋدى، شاعىن كاسىپكەرلىكتى جانە ءتيىمدى باسەكەلەستىك ورتانى دامىتۋ ءۇشىن قولايلى العىشارتتار جاسايتىن جەكە قولونەرشىلەر سانىنىڭ ءوسۋىن قامتاماسىز ەتۋگە قابىلەتتى. ولاردىڭ يكەمدىلىگى مەن ۇتقىرلىعى ەكونوميكالىق جانە الەۋمەتتىك مىندەتتەردىڭ تۇتاس كەشەنىن شەشۋگە، سونداي-اق حالىقتىڭ، ونىڭ ىشىندە اقىل-وي، فيزيكالىق مۇمكىندىكتەرى ءارتۇرلى ادامداردىڭ، ءارتۇرلى ءبىلىم قورى مەن ءارتۇرلى كاسىبي مۇددەلەرى بار ادامداردىڭ بارىنشا جۇمىسپەن قامتىلۋىن قامتاماسىز ەتۋگە، ولاردىڭ شىعارماشىلىق الەۋەتىن تولىق ىسكە اسىرۋعا مۇمكىندىك بەرەدى.
ۇگىت-ناسيحات جۇمىستارىنىڭ سوڭىندا سالاۋاتتى ءومىر سالتىن قالىپتاستىرۋ ماقساتىندا كانديداتتار ءوزارا شاڭعىمەن جارىس ۇيىمداستىردى.
«اۋىل» حالىقتىق-دەموكراتيالىق
پاتريوتتىق پارتياسىنىڭ ءباسپاسوز قىزمەتى 8 701 055 25 52
auyl-pressa@mail.ru
