Depýtattyqqa bir top kandıdat Imantaý-Shalqar kýrorttyq aımaǵynyń ujymymen kezdesti

1922
Adyrna.kz Telegram

Jańa 2021 jyldyń 2 qańtarynda QR Parlamenti Májilisi jáne Soltústik Qazaqstan oblysy máslıhattarynyń depýtattyǵyna bir top kandıdat Aıyrtaý aýdanynyń Imantaý aýylynda bolyp, Imantaý-Shalqar kýrorttyq aımaǵynyń ujymymen kezdesti.

Kezdesýdiń negizgi maqsaty partııanyń aýyldaǵy aýyl sharýashylyǵyna jatpaıtyn bıznes túrlerin damytý, buqaralyq sport pen agrotýrızmdi damytý jónindegi bastamalaryn túsindirý. Atalǵan keshen «Kókshetaý» memlekettik ulttyq tabıǵı parkiniń aýmaǵynda ornalasqan jáne Qazaqstan Respýblıkasynda týrızmdi damytý boıynsha 10 basym jobanyń qataryna kirdi.

Kandıdat Tóleýtaı Raqymbekov atap ótkendeı, 2020 jyldyń basynan beri koronavırýs pandemııasyna baılanysty týrızmniń syrtqy baǵyttary is júzinde toqtap qaldy jáne bul jaǵdaı qazaqstandyq týrıster aǵynyn ishki kýrorttarǵa qaıta baǵyttaýǵa, otandyq týrıstik salany damytýǵa biregeı múmkindik beredi. Partııa baǵdarlamasynda aýyldaǵy aýyl sharýashylyǵy emes bıznes túrlerin damytý boıynsha sharalar qarastyrylǵan, olar naryqty qonaq úı qyzmetterin usyný, demalys nysandaryn salý jáne fermerlerdi agrotýrızmmen aınalysýǵa yntalandyrý sııaqty qosymsha qyzmettermen «nyǵaıtýdy» kózdeıdi.

Sońǵysy óte perspektıvaly bolyp kórinedi. T.Raqymbekovtyń pikirinshe, Shyǵys Eýropanyń birqatar elderinde ulttyq mádenıet pen turmysty saqtaý úshin agrotýrızm nysandary jumys isteıdi. Olar sporttyq demalys qyzmetteri men jergilikti jerdiń tabıǵı, mádenı-tarıhı jáne basqa da resýrstaryn paıdalanýǵa baǵyttalǵan aýyldyq ınfraqurylym elementterin biriktiredi.

Imantaý kentiniń turǵyndary úshin qolónershilik tabys deńgeıin arttyrýdyń perspektıvaly baǵyty bola alady, dep esepteıdi kandıdat, etnodızaıner Bahargúl Tólegen. Osy mańyzdy sektordy damytý shaǵyn kásiporyndardyń keń jelisin qurýdy, shaǵyn kásipkerlikti jáne tıimdi básekelestik ortany damytý úshin qolaıly alǵysharttar jasaıtyn jeke qolónershiler sanynyń ósýin qamtamasyz etýge qabiletti. Olardyń ıkemdiligi men utqyrlyǵy ekonomıkalyq jáne áleýmettik mindetterdiń tutas keshenin sheshýge, sondaı-aq halyqtyń, onyń ishinde aqyl-oı, fızıkalyq múmkindikteri ártúrli adamdardyń, ártúrli bilim qory men ártúrli kásibı múddeleri bar adamdardyń barynsha jumyspen qamtylýyn qamtamasyz etýge, olardyń shyǵarmashylyq áleýetin tolyq iske asyrýǵa múmkindik beredi.

Úgit-nasıhat jumystarynyń sońynda Salaýatty ómir saltyn qalyptastyrý maqsatynda kandıdattar ózara shańǵymen jarys uıymdastyrdy.

 

«Aýyl» Halyqtyq-demokratııalyq

patrıottyq partııasynyń baspasóz qyzmeti 8 701 055 25 52

           auyl-pressa@mail.ru

 

Pikirler