ءوز تاجىريبەمنەن تۇيگەنىمدى ايتار بولسام، زەيىن - بۇل راتسيونالدى ميدى بارلىق سەزىم مۇشەلەرىمەن بايلانىستىرۋشى ارنايى مەحانيزم. بۇل مەحانيزم ميىمىز ىزدەپ جاتقان نارسەگە دەگەن سەزىمتالدىعىمىزدى ارتتىرىپ، ونىڭ نۇسقالارىن ىرىكتەپ، ارتىق شۋىلدى الىپ تاستايدى.
مىسال كەلتىرەيىن.
زەيىندى تىنباي، قاجەتتى مۇمكىندىكتەردى ىزدەۋشى اڭشى يت دەپ قارايىق. ەگەر ءسىزدىڭ ماقساتىڭىز بولماي، ميىڭىز نەنى قالايتىنىڭىزدى بىلمەسە، وندا ءسىزدىڭ زەيىنىڭىز بەيبەرەكەت جورتاقتاپ، نە ىزدەۋ كەرەگىن تۇسىنبەيتىن كوپەك يت (دۆورنياجكا) سەكىلدى بولادى.
مىنە بۇل زەيىن جەتىسپەۋشىلىگى سيندرومىنىڭ (زجس) باستى سەبەبى.
نە قالايتىنىڭىزدى ناقتى بىلمەسەڭىز، ءسىز ەشقاشان ءوز زەيىنىڭىزدى باسقارا المايسىز جانە ونى ءبىر ارناعا باعىتتاي المايسىز.
زەيىننىڭ جۇمىسىن ءتۇسىنۋ ءىشىن ديەتاداعى ادامدى مىسالعا الىپ قارايىق.
ديەتاداعى ادام ميىنىڭ باستى ماقساتى قورەك تابۋ. سايكەسىنشە، ول قاسىنداعى ادامداردىڭ ءبارىنىڭ تاماقتانىپ جاتقانىن ەرىكسىز تۇردە بايقايدى. ونىڭ قۇلاعى دايىندالىپ جاتقان تاماقتىڭ دىبىسىن عانا ەستيدى. ال مۇرنى اينالاسىنداعى بارلىق ءدامدى يىستەردى سەزەدى.
ياعني، ونىڭ زەيىن اتتى ءيتى تەك ميدىڭ بۇيىرعانىن ىزدەيدى.
ومىردە ءسىز ميىڭىزدىڭ نازارى نەدە بولسا، سول نارسەنى بايقايسىز. ەگەر ءسىزدىڭ ايقىن ماقساتىڭىز بولىپ، سوعان جەتۋدى ويلانىپ جۇرسەڭىز، ءسىز وزىڭىزگە قولايلى مۇمكىندىكتەردى كورە باستايسىز..
⠀
ياعني، زەيىن سالىڭىز!
كوبىسى ءبىر دۇنيەگە قول جەتكىزۋ ءۇشىن جاي عانا مۇمكىندىكتەردى كۇتەدى نەمەسە ىزدەيدى. ال بۇل ارادا مۇلدەم كەرىسىنشە جاساۋ كەرەك. الدىمەن ماقسات قويىپ، سوعان جەتۋدى ويلاۋ كەرەك، سوندا عانا مۇمكىندىكتەر تۋىنداي باستايدى.
مارعۇلان سەيسەمباي
