Óz tájirıbemnen túıgenimdi aıtar bolsam, zeıin - bul raıonaldy mıdy barlyq sezim múshelerimen baılanystyrýshy arnaıy mehanızm. Bul mehanızm mıymyz izdep jatqan nársege degen sezimtaldyǵymyzdy arttyryp, onyń nusqalaryn iriktep, artyq shýyldy alyp tastaıdy.
Mysal keltireıin.
Zeıindi tynbaı, qajetti múmkindikterdi izdeýshi ańshy ıt dep qaraıyq. Eger sizdiń maqsatyńyz bolmaı, mıyńyz neni qalaıtynyńyzdy bilmese, onda sizdiń zeıinińiz beıbereket jortaqtap, ne izdeý keregin túsinbeıtin kópek ıt (dvornıajka) sekildi bolady.
Mine bul zeıin jetispeýshiligi sındromynyń (ZJS) basty sebebi.
Ne qalaıtynyńyzdy naqty bilmeseńiz, siz eshqashan óz zeıinińizdi basqara almaısyz jáne ony bir arnaǵa baǵyttaı almaısyz.
Zeıinniń jumysyn túsiný ishin dıetadaǵy adamdy mysalǵa alyp qaraıyq.
Dıetadaǵy adam mıynyń basty maqsaty qorek tabý. Sáıkesinshe, ol qasyndaǵy adamdardyń báriniń tamaqtanyp jatqanyn eriksiz túrde baıqaıdy. Onyń qulaǵy daıyndalyp jatqan tamaqtyń dybysyn ǵana estıdi. Al murny aınalasyndaǵy barlyq dámdi ıisterdi sezedi.
Iaǵnı, onyń zeıin atty ıti tek mıdyń buıyrǵanyn izdeıdi.
Ómirde siz mıyńyzdyń nazary nede bolsa, sol nárseni baıqaısyz. Eger sizdiń aıqyn maqsatyńyz bolyp, soǵan jetýdi oılanyp júrseńiz, siz ózińizge qolaıly múmkindikterdi kóre bastaısyz..
⠀
Iaǵnı, zeıin salyńyz!
Kóbisi bir dúnıege qol jetkizý úshin jaı ǵana múmkindikterdi kútedi nemese izdeıdi. Al bul arada múldem kerisinshe jasaý kerek. Aldymen maqsat qoıyp, soǵan jetýdi oılaý kerek, sonda ǵana múmkindikter týyndaı bastaıdy.
Marǵulan Seısembaı
