2020 جىلى ءاربىر ءۇشىنشى قازاقستاندىق قارجىلىق الاياقتارعا تاپ بولعان. الاياقتار كوبىنەسە تۇرعىنداردىڭ ۇيالى تەلەفوندارىنا حابارلاسىپ، وزدەرىن بانك قىزمەتكەرلىمىز دەپ تانىستىرىپ وتىرعان. بۇل تۋرالى «ادىرنا» ۇلتتىق پورتالى 24.kz – كە سىلتەمە جاساي وتىرىپ حابارلايدى.
ناتيجەسىندە رەسپۋبليكانىڭ ءاربىر سەگىزىنشى تۇرعىنى الاياقتاردىڭ قارماعىنا تۇسكەن. قىلمىسكەرلەر جاڭا جىلدىق مەرەكەلەر قارساڭىندا وزدەرىنىڭ ارام ىستەرىنە بەلسەنە كىرىسۋلەرى مۇمكىن. اقپاراتتىق قاۋىپسىزدىك ماماندارى ولاردىڭ تۇزاعىنا قالاي تۇسپەۋدىڭ جولدارىن ايتىپ ءوتتى.
ەڭ بىرىنشىدەن، بانكتەر تەلەفون شالۋ ارقىلى كليەنتتەردىڭ تولەم كارتالارىنىڭ دەرەكتەرىن ەشقاشان سۇرامايتىنىن ەستەن شىعارماعان ءجون. ءوزىڭىز تۋرالى جەكە اقپارات ۇسىنۋ قاجەت كۇماندى ينتەرنەت - كونكۋرستار مەن لوتەرەيالارعا قاتىسۋدان باس تارتقان دۇرىس.
بۇكىل الەمدە بيزنەس باسەكەلەستەرى حاكەرلەردىڭ قىزمەتىنە جۇگىنە باستادى. ولاردىڭ كومەگىمەن ولار كومپانيانىڭ اقپاراتتىق جۇيەلەرىنە شابۋىل جاسايدى. ولاردىڭ ماقساتى ءبىر-ءبىرىنىڭ قورعانىستارىنداعى السىز جەردى تاۋىپ، ولاردىڭ دەرەكتەرىن يەمدەنۋ. اقپاراتتىق قاۋىپسىزدىك جونىندەگى مامانداردىڭ ايتۋىنشا، قازاقستاندا حاكەرلەردىڭ قۇرباندارى شاعىن جانە ورتا بيزنەس وكىلدەرى بولىپ وتىر. شابۋىلداردىڭ ەڭ تانىمال تاسىلدەرىنىڭ ءبىرى فيشينگتىك حاتتار جىبەرۋ. بۇل ءادىس قىزمەتكەرلەر ارقىلى قاجەتتى اقپاراتتى جيناۋعا مۇمكىندىك بەرەدى. ولاردىڭ پوشتالارىنا قىزىقتى ۇسىنىستار كەلەدى، مىسالى، برەند دۇكەنىندەگى جاقسى جەڭىلدىك تۋرالى. سول سىلتەمەگە ءوتۋ ارقىلى، قىزمەتكەر فيرمانىڭ مالىمەتتەر بازاسىنا قول جەتىمدىلىكتى اشادى. سوندىقتان كاسىپكەرلەر قىزمەتكەرلەردىڭ كيبەر ساۋاتىن ارتتىرۋعا نازار اۋدارۋى كەرەك.
ينتەرنەت دۇكەندەردەن سىيلىقتار ساتىپ الۋ كارتاداعى اقشانىڭ تولىق جوعالۋىنا اكەلىپ سوعۋى عاجاپ ەمەس. سوندىقتان جاڭا جىل قارساڭىندا قازاقستاندىقتارعا قىراعى بولۋ كەرەك. ادەتتەگىدەي، وسى كەزەڭدە تەلەفون الاياقتارى مەن كيبەرشابۋىلدار بارىنشا كوپ بولادى. ساراپشىلاردىڭ ايتۋىنشا، الاياقتار تۇزاق رەتىندە ء"بىر رەتتىك سايتتى" قولدانا الادى، مۇنداي سايتتاردا تاۋارلاردىڭ باعاسى وتە تومەن بولادى. ەگەر ينتەرنەت-دۇكەن كوڭىلىگىڭىزگە كۇدىك تۋعىزسا، پورتالدا زاڭدى مەكەن-جاي نەمەسە مەنشىك تۋرالى مالىمەتتەر بار-جوعىن تەكسەرگەن ءجون. سونداي-اق، جەلىلىك الاياقتار سايت-كلونداردى ىسكە قوسادى. بۇل AliExpress, Wildberries نەمەسە Amazon سەكىلدى ايگىلى ينتەرنەت-دۇكەندەردىڭ كوشىرمەلەرى. وسى پلاتفورمالاردان زات ساتىپ العاندا، سايتتىڭ دومەنىنە نازار اۋدارعان دۇرىس. ساراپشىلار تەك ينتەرنەتتەن زات ساتىپ الۋ ءۇشىن قاراستىرىلعان جەكە كارتانى قولدانۋعا كەڭەس بەرەدى. جارناما سايتتارىندا الاياقتار كوبىنەسە ساتۋشىلار رەتىندە عانا ەمەس، ساتىپ الۋشىلار تۇرىندە دە ارەكەت ەتەدى. مۇندا دا اباي بولۋ كەرەك.
"ادىرنا" ۇلتتىق پورتالى
