«اق جول» پارتياسىنىڭ رەسپۋبليكالىق سايلاۋالدى شتابى فيليالدارمەن سەنىم بىلدىرىلگەن ادامدار مەن باقىلاۋشىلارعا ارنالعان وقىتۋ سەمينارىن وتكىزدى دەپ حابارلايدى «ادىرنا» ۇلتتىق پورتالى پارتيانىڭ ءباسپاسوز قىزمەتىنە سىلتەمە جاساپ.
«اق جول» پارتياسىنىڭ رەسپۋبليكالىق سايلاۋالدى شتابى فيليالدارمەن سەنىم بىلدىرىلگەن ادامدار مەن باقىلاۋشىلارعا ارنالعان وقىتۋ سەمينارىن وتكىزدى. ءىس-شارا ونلاين رەجيمدە ءوتتى.
پارتيانىڭ زاڭ قىزمەتىنىڭ ديرەكتورى رۇستەم ءجۇمادىلوۆ قولدانىستاعى زاڭناما نورمالارى تۋرالى ايتىپ بەردى.
پارتيالىق تىزىمدەرىن ۇسىنعان بارلىق ساياسي پارتيالاردىڭ وزدەرىنە سايلاۋ ناۋقانىن جۇرگىزۋگە كومەكتەسەتىن، سايلاۋ الدىنداعى ۇگىت-ناسيحاتتى جۇرگىزەتىن، كانديداتتاردىڭ، ساياسي پارتيالاردىڭ مۇددەلەرىن بىلدىرەتىن سەنىم بىلدىرىلگەن ادامدارى بولۋى مۇمكىن.
سەمينارعا قاتىسۋشىلار سەنىم بىلدىرىلگەن تۇلعالاردى/باقىلاۋشىلاردى تىركەۋ ءتارتىبى تۋرالى، سەنىم بىلدىرىلگەن تۇلعا ءۇشىن نەگىزگى تالاپتار تۋرالى اقپارات الدى. سەنىم بىلدىرىلگەن تۇلعا قازاقستان رەسپۋبليكاسىنىڭ ازاماتى بولۋى ءتيىس جانە سايلاۋ كوميسسياسىنىڭ مۇشەسى نەمەسە ساياسي مەملەكەتتىك قىزمەتشى بولا المايدى.
شتاب زاڭگەرلەرى سەنىمدى تۇلعالاردىڭ باقىلاۋشىلار سياقتى قۇقىقتارى مەن مىندەتتەرى بار ەكەنىن ەسكە سالدى.
وسىعان بايلانىستى، سەمينارعا قاتىسۋشىلار سايلاۋ تۋرالى زاڭنىڭ 20-1 بابىمەن تانىستى، وندا باقىلاۋشىلاردىڭ قۇقىقتارى مەن مىندەتتەرى كورسەتىلگەن.
شارا بارىسىندا فيليال وكىلدەرى وزدەرىن قىزىقتىرعان سۇراقتاردى قويىپ، ولارعا تولىققاندى جاۋاپ الدى.
رەسپۋبليكالىق سايلاۋالدى شتابتىڭ زاڭگەرلەرى وڭىرلەردەگى پارتيا مۇشەلەرىن «قازاقستان رەسپۋبليكاسىنداعى سايلاۋ تۋرالى» قر كونستيتۋتسيالىق زاڭىنىڭ تالاپتارىن مۇلتىكسىز ساقتاۋعا شاقىردى.
ماقالانىڭ اقىسى "اق جول" دەموكراتيالىق
پارتياسى سايلاۋ قورىنىڭ قاراجاتىنان تولەندى.
