«Aq jol» partııasynyń respýblıkalyq saılaýaldy shtaby fılıaldarmen senim bildirilgen adamdar men baqylaýshylarǵa arnalǵan oqytý semınaryn ótkizdi dep habarlaıdy «Adyrna» ulttyq portaly partııanyń baspasóz qyzmetine silteme jasap.
«Aq jol» partııasynyń respýblıkalyq saılaýaldy shtaby fılıaldarmen senim bildirilgen adamdar men baqylaýshylarǵa arnalǵan oqytý semınaryn ótkizdi. Is-shara onlaın rejımde ótti.
Partııanyń zań qyzmetiniń dırektory Rústem Jumadilov qoldanystaǵy zańnama normalary týraly aıtyp berdi.
Partııalyq tizimderin usynǵan barlyq saıası partııalardyń ózderine saılaý naýqanyn júrgizýge kómektesetin, saılaý aldyndaǵy úgit-nasıhatty júrgizetin, kandıdattardyń, saıası partııalardyń múddelerin bildiretin senim bildirilgen adamdary bolýy múmkin.
Semınarǵa qatysýshylar senim bildirilgen tulǵalardy/baqylaýshylardy tirkeý tártibi týraly, senim bildirilgen tulǵa úshin negizgi talaptar týraly aqparat aldy. Senim bildirilgen tulǵa Qazaqstan Respýblıkasynyń azamaty bolýy tıis jáne saılaý komıssııasynyń múshesi nemese saıası memlekettik qyzmetshi bola almaıdy.
Shtab zańgerleri senimdi tulǵalardyń baqylaýshylar sııaqty quqyqtary men mindetteri bar ekenin eske saldy.
Osyǵan baılanysty, semınarǵa qatysýshylar Saılaý týraly zańnyń 20-1 babymen tanysty, onda baqylaýshylardyń quqyqtary men mindetteri kórsetilgen.
Shara barysynda fılıal ókilderi ózderin qyzyqtyrǵan suraqtardy qoıyp, olarǵa tolyqqandy jaýap aldy.
Respýblıkalyq saılaýaldy shtabtyń zańgerleri óńirlerdegi partııa múshelerin «Qazaqstan Respýblıkasyndaǵy saılaý týraly» QR Konstıtýııalyq zańynyń talaptaryn múltiksiz saqtaýǵa shaqyrdy.
Maqalanyń aqysy "Aq jol" demokratııalyq
partııasy saılaý qorynyń qarajatynan tólendi.
