وسكەمەننىڭ كوشەسىنە جەتوقسان كوتەرىلىسىنىڭ قۇربانى ءسابيرا مۇحامەدجانوۆانىڭ ەسىمى بەرىلەدى. بۇل تۋرالى قالا اكىمى جاقسىلىق ومار الەۋمەتتىك جەلىدەگى پاراقشاسىندا جازدى، دەپ حابارلايدى «ادىرنا» ۇلتتىق پورتالى Altaynews ءتىلشىسىنە سىلتەمە جاساپ.
كەلەر جىلى قاستەرلى تاۋەلسىزدىگىمىزگە 30 جىل تولادى. ال ىزعارلى جەلتوقساندا نامىسشىل جاستاردىڭ الاڭعا شىققانىنا 35 جىل بولماق. وسىعان وراي وسكەمەندە بىرقاتار ماڭىزدى شارالاردى جۇزەگە اسىرۋ جوسپارلانعان ەكەن.
- "بۇل تۋرالى تاۋەلسىزدىك مەرەكەسى قارساڭىندا 1986 جىلعى جەلتوقسان وقيعاسىنىڭ قاتىسۋشىلارىمەن كەزدەسۋىمدە كەڭىنەن تالقىلاندى.باسقوسۋعا وسكەمەن قالاسىندا تۇراتىن 10 شاقتى جەلتوقسانشىلارمەن بىرگە «جەلتوقسان-86» قوعامدىق بىرلەستىگىنىڭ توراعاسى ماراتبەك رامازانوۆ تا قاتىستى.الداعى ۋاقىتتا ءىس-شارالاردىڭ كەشەندى جوسپارى قۇرىلىپ، بەكىتىلەدى. ولاردى جۇزەگە اسىرۋعا قالالىق اكىمدىك تاراپىنان قولداۋ كورسەتىلىپ، ارنايى قاراجات بولىنەتىن بولادى", - دەيدى شاھار باسشىسى.
ەرەكشە اتاپ وتەرلىك شارالاردىڭ قاتارىندا وسكەمەننىڭ ءبىر كوشەسىنە جەلتوقسان كوتەرىلىسىنىڭ قۇربانى ءسابيرا مۇحامەدجانوۆانىڭ ەسىمىن بەرۋ بار. سونداي-اق ول وقىعان ۋچيليششەدە ارنايى سىنىپ اشۋ جانە شاكىرتاقى تاعايىنداۋ قاراستىرىلعان. ءسابيرا تۋرالى كىتاپ شىعارۋ مەن دەرەكتى كينو تۇسىرۋگە دە قولداۋ كورسەتىلمەك.
