Óskemenniń kóshesine jetoqsan kóterilisiniń qurbany Sábıra Muhamedjanovanyń esimi beriledi. Bul týraly qala ákimi Jaqsylyq Omar áleýmettik jelidegi paraqshasynda jazdy, dep habarlaıdy «Adyrna» ulttyq portaly Altaynews tilshisine silteme jasap.
Keler jyly qasterli Táýelsizdigimizge 30 jyl tolady. Al yzǵarly jeltoqsanda namysshyl jastardyń alańǵa shyqqanyna 35 jyl bolmaq. Osyǵan oraı Óskemende birqatar mańyzdy sharalardy júzege asyrý josparlanǵan eken.
- "Bul týraly Táýelsizdik merekesi qarsańynda 1986 jylǵy jeltoqsan oqıǵasynyń qatysýshylarymen kezdesýimde keńinen talqylandy.Basqosýǵa Óskemen qalasynda turatyn 10 shaqty jeltoqsanshylarmen birge «Jeltoqsan-86» qoǵamdyq birlestiginiń tóraǵasy Maratbek Ramazanov ta qatysty.Aldaǵy ýaqytta is-sharalardyń keshendi jospary qurylyp, bekitiledi. Olardy júzege asyrýǵa qalalyq ákimdik tarapynan qoldaý kórsetilip, arnaıy qarajat bólinetin bolady", - deıdi shahar basshysy.
Erekshe atap óterlik sharalardyń qatarynda Óskemenniń bir kóshesine jeltoqsan kóterilisiniń qurbany Sábıra Muhamedjanovanyń esimin berý bar. Sondaı-aq ol oqyǵan ýchılıede arnaıy synyp ashý jáne shákirtaqy taǵaıyndaý qarastyrylǵan. Sábıra týraly kitap shyǵarý men derekti kıno túsirýge de qoldaý kórsetilmek.
