قازاقستان جەرى تۋرالى داۋلى مالىمدەمە جاساعان رەسەيلىك دەپۋتات ۆياچەسلاۆ نيكونوۆ ءوز ءسوزىن ءتۇسىندىردى، - دەپ حابارلايدى «ادىرنا» ۇلتتىق پورتالى Tengrinews.kz تىلشىسىنە سىلتەمە جاساپ.
"قازاق كسر شەكاراسىن بەكىتۋدە قازاقستان مۇددەسى تولىقتاي ەسكەرىلدى. كەيىن قازاق كسر قازاقستان رەسپۋبليكاسى بولدى. مۇمكىندىكتى پايدالانا وتىرىپ، باۋىرلاس قازاقستان حالقىنا ىستىق ءىلتيپاتىمدى ءبىلدىرىپ، "بولشايا يگرا" باعدارلاماسىندا مەن ءدال وسى نارسەنى ايتتىم", - دەپ جازدى رەسەيلىك دەپۋتات Telegram-كانالىندا.
ەسكە سالايىق، بۇعان دەيىن رەسەيلىك "پەرۆىي كانال" ەفيرىندە مەملەكەتتىك دۋما دەپۋتاتى ۆياچەسلاۆ نيكونوۆتىڭ قازاقستان تۋرالى ايتقان ءسوزى جەلىدە تاراعان ەدى. دەپۋتات ەفير بارىسىندا قازاقستان دەگەن ەل بولمادى دەگەن ەدى. "قازاقستان بولعان جوق، سولتۇستىك قازاقستاندا بۇرىن مۇلدە قونىستانباعان. ولار بولعان، بىراق وڭتۇستىككە جاقىن. شىن مانىندە، قازاقستان تەرريتورياسى - رەسەي مەن كەڭەس وداعىنىڭ ۇلكەن سىيلىعى", - دەگەن ەدى نيكونوۆ "بولشايا يگرا" باعدارلاماسىندا.
