Qazaqstan jeri týraly daýly málimdeme jasaǵan reseılik depýtat Vıacheslav Nıkonov óz sózin túsindirdi, - dep habarlaıdy «Adyrna» ulttyq portaly Tengrinews.kz tilshisine silteme jasap.
"Qazaq KSR shekarasyn bekitýde Qazaqstan múddesi tolyqtaı eskerildi. Keıin Qazaq KSR Qazaqstan Respýblıkasy boldy. Múmkindikti paıdalana otyryp, baýyrlas Qazaqstan halqyna ystyq iltıpatymdy bildirip, "Bolshaıa ıgra" baǵdarlamasynda men dál osy nárseni aıttym", - dep jazdy reseılik depýtat Telegram-kanalynda.
Eske salaıyq, buǵan deıin reseılik "Pervyı kanal" efırinde Memlekettik Dýma depýtaty Vıacheslav Nıkonovtyń Qazaqstan týraly aıtqan sózi jelide taraǵan edi. Depýtat efır barysynda Qazaqstan degen el bolmady degen edi. "Qazaqstan bolǵan joq, Soltústik Qazaqstanda buryn múlde qonystanbaǵan. Olar bolǵan, biraq ońtústikke jaqyn. Shyn máninde, Qazaqstan terrıtorııasy - Reseı men Keńes Odaǵynyń úlken syılyǵy", - degen edi Nıkonov "Bolshaıa ıgra" baǵdarlamasynda.
